काठमाडौं । नेशनल लाइफ इन्स्योरेन्स कम्पनी लिमिटेडले बीमा दाबी भुक्तानी गरेको छ । कम्पनीको शाखा कार्यालय कटारीबाट मृतक परिवारलाई १० लाख भुक्तानी गरिएको हो । बीमितको मृत्युपछि कम्पनीको नियम अनुसार प्रक्रिया पूरा गरी परिवारलाई भुक्तानी उपलब्ध गराइएको हो ।

बीमक माघ ६ गते सिराहको मिर्चैयामा मोटरसाईकल दुर्घटनामा परी प्रबिण तिवारीको ज्यान गएको थियो । घटनाको महिना दिनभित्रै कम्पनीले कागजी प्रक्रिया पूरा गरी परिवारलाई बीमाङ्क बापतको मृत्यु दाबी रकम भुक्तानी गरेको हो ।

नेशनलका कटारी शाखा प्रमुख भक्तबहादुर श्रेष्ठका अनुसार मृतक तिवारीको श्रीमति गीताञ्जली र छोरी पियान्शुको हातमा रकम हस्तान्तरण गरिएको हो । त्यस्तै बाँकी बीमा शुल्क मिनाहा र अबधि पूरा हुनु २ वर्ष अगाडि ६ लाख २५ हजार र एक वर्ष अगाडि ६ लाख २५ हजार त्यस्तै समय अवधि पूरा भएपछि १२ लाख ५० हजार र पूरा वर्षको बोनसदर फेरि एकमुष्ठ भुक्तानि गरिने शाखा प्रमुख श्रेष्ठको भनाई छ ।