काठमाडौं । संस्कृति, पर्यटन तथा नागरिक उड्डयन मन्त्री सुदन किराँतीले गणतन्त्रको जरा समाजको तल्लो तहसम्म नपुगेको टिप्पणी गरेका छन् ।

सोमवार राजधानिमा आयोजित नाथमको ५० औं वार्षिक उत्सव कार्यक्रममा बोल्दै मन्त्री किराँतीले समाजमा गणतन्त्र फैलाउन सफल भएपनि गणतन्त्रको जरा समाजको तल्लो तहसम्म पु¥याउन नसकेको बताएका छन् ।

उनले भने, “गणतन्त्रको पिता प्रधानमन्त्री हुनुहुन्छ । समाजमा गणतन्त्र त हामीले फैलायौ गणतन्त्रको जरा समाजको तल्लो तहसम्म पुगेको छैन । हाम्रो संरचनाभित्र गणतन्त्रको जरा छिरेको छैन यस विषयमा गम्भिर अनुभुति गरेको छु ।”

उनले पर्यटन क्षेत्र र होटल व्यवस्थापन क्षेत्रमा दक्ष जनशक्ति र दीगो विकास गर्ने अभियानमा अघि बढनुपर्ने तर्क व्यक्त गर्दै उक्त विषयमा मन्त्रालयबाट अध्ययन समिति बनाउने तयारि रहेको समेत बताए ।

उनले अहिलेको सापेक्षताको आधारमा कानुन निर्माण गर्न नसकेको भन्दै यस विषयलाई गम्भिरताका साथ लिनुपर्नेमा जोड दिएका छन् ।

नेपाल सगरमाथा, लुम्बिनी, पशुपति जस्ता कलाले भरिपुर्ण देश भएको भन्दै यस्तो संस्कृति विश्वका अन्य मुलुकमा नभएको उनको भनाई छ ।

उनले देशको पर्यटन र होटल क्षेत्रमा रोजगारीको व्यापक सम्भावना रहेको भन्दै यसलाई विकास गर्न मन्त्रालयको तर्फबाट सक्दो प्रयास गर्ने बताए ।