काठमाडौं । नेपाल उद्योग वाणिज्य महासंघका अध्यक्ष चन्द्र ढकालले देशको अर्थतन्त्र चिन्ताजनक अवस्थामा नरहेको तर्क गरेका छन् ।
बुधबार काठमाडौंमा आयोजित अर्थतन्त्रका आन्तरिक समस्या र समाधानका उपाय विषयक अन्तरक्रिया कार्यक्रममा उनले व्यवसायीहरूलाई अर्थतन्त्रलाई लिएर निराश नहुन आग्रह गरे ।

उनले भने, ‘हामी त्यति धेरै निराश हुनु पर्ने अवस्था पनि छैन । त्यसैले त्यति धेरै निराश पनि नहुने होकी भनेर व्यवसायीहरूलाई आग्रह गर्दछु । यो भन्दा खराब अवस्था अब आउँछ जस्तो लाग्दैन मलाई ।’

अध्यक्ष ढकालले नेपाल राष्ट्र बैङ्क, नेपाल सरकार , निजी क्षेत्र र अन्य निकायहरूलाई अहिलेको अर्थतन्त्रको समस्याबाट माथि उठ्न प्रयास गर्न पनि आग्रह गरे ।

उनले सबै निकायहरु मिलेर सकारात्मक सन्देश दिन सकेमा सर्वसाधरणहरुको आत्मविश्वास बढाउन सकिने टिप्पणी गरे ।