काठमाडौं । विश्वस्तरीय मान्यताप्राप्त बिमा अभिकर्ताहरूको प्रतिष्ठित संस्था एमडिआरटीले आफ्नो ग्लोबल कन्फरेन्स सिंगापुरमा सम्पन्न गरेको छ।

नेपालको प्रतिनिधित्व गर्दै नेपालको सर्वाधिक विश्वासिलो जीवन बिमा कम्पनी नेपाल लाइफ इन्स्योरेन्सका चारजना एजेन्सी मेनेजरले सिंगापुरमा आयोजित ‘एमडिआरटी ग्लोबल कन्फरेन्स’मा सहभागिता जनाएका छन्।

२७ देखि ३० अगस्टसम्म चलेको कार्यक्रममा विश्वभरिबाट लगभग सात हजार पाँच सयजनाको उपस्थिति थियो। नेपाल लाइफ इन्स्योरेन्सबाट नेपाललाई प्रतिनिधित्व गर्दै कार्यक्रममा रामचन्द्र गौतम, रमा बुढाथोकी बस्नेत, सोमली शेर्पा र नेत्रकुमारी बुढाथोकी सहभागी भएका थिए।

उनीहरूले अन्तर्राष्ट्रियस्तरमा देशको झन्डा फहराउन पाउँदा आफूलाई निकै गौरवान्वित महसुस भएको बताए। कम्पनीका प्रमुख कार्यकारी अधिकृत प्रवीणरमण पराजुलीले यसरी अन्तर्राष्ट्रिय स्तरमा देश र कम्पनीको प्रतिनिधित्व गर्नु गौरवको कुरा भएको बताए।

यस्तो एक्सपोजरले व्यक्तित्व विकासका साथै आफ्नो लर्निङ कर्भलाई माथि लैजान निकै सहयोग पुग्ने बताए।