एजेन्सी । अमेरिकी मोडल पेरिस ज्याक्सनले इन्स्टाग्राममा आफ्ना १४ लाख फलोअर्सलाई नग्नता प्राकृतिक भएको र जसमा मानिस बन्छ, त्यो उसैको हिस्सा भएको बताएकी छन् ।

पेरिस ज्याक्सन दिवंगत पप सुपरस्टार माइकल ज्याक्सनकी एकमात्रै छोरी हुन् । हालै उनले इन्स्टाग्राममा आफ्नो टपलेश फोटो हालेकी थिइन् । यो तस्बिरलाई लिएर उनको धेरै आलोचना भएको थियो ।

उनले यस तस्बिरमा धेरै चलाखीपूर्ण रुपमा दुई इमोजीको प्रयोग गरेकी थिइन्, ताकि निपल्स नदेखियोस् । तर अहिले उनले यो पोस्ट डिलिट गरिसकेकी छन् । तर फेरि १९ वर्षीय ज्याक्सनले अर्को तस्बिर राखेकी छन् ।

यो ब्ल्याक एन्ड ह्वाइट फोटोमा उनी टपलेश भएर चुरोट खाइरहेकी छन् । यससँगै उनले लामो पोस्ट समेत लेखेकी छन्, यसमा उनले आफ्नो विरोध गर्नेहरुलाई कडा जवाफ दिएकी छन् ।

उनले नग्नताको सुरुवातलाई प्रकृतितर्फ फिर्ता जाने आन्दोलनका रुपमा हेरेकी छन् । उनले भनेकी छन्, ‘मानव शरीर एक सुन्दर रचना हो र यसमा कुनै फुरक पर्दैन । शरीरमा चाहे दाग होस, ज्यादा तौल यो सुन्दर हुन्छ ।

उनले आफूमाथि भएका भद्दा कमेन्टले कुनै फरक नपर्ने भन्दै आपत्ति लागेमा फलो नगर्न चेतावनी समेत दिएकी छन् ।

पेरिस ज्याक्सन अमेजनको स्टुडियोको आगामी फिल्ममा नायक डेभिड ओयेलोभोका साथमा पर्दामा आउँदैछिन् । पेरिस ११ वर्षकी हुँदा उनका बाबु माइकल ज्याक्सनको २५ जुन २००९ मा निधन भएको थियो ।