२० जेठ, रोल्पा- नेपाली कांग्रेस, रोल्पाले चर्चित गायिका राधिका हमाललाई उम्मेदवार बनाउने निर्णय गरेको छ । चर्चित लोकदोहोरी गायिका राधिका हमाललाई उम्मेदवार बनाउने निर्णय गरेको कांग्रेसले जनाएको छ ।

उनलाई कांग्रेसले त्रिवेणी गाउँपालिकाको उपाध्यक्ष उम्मेदवार बनाउने निर्णय भएको हो ।

कांग्रेसतर्फबाट उम्मेदवार बनेकी हमालले यसबारे कुनै प्रतिक्रिया दिएकी छैनन् । गायिकालाई उपाध्यक्ष उम्मेदवार बनाउने निर्णय गरेको कांग्रेसले गाउँपालिका अध्यक्षमा भने कमल बुढालाई उठाउने निर्णय गरेको छ । दैनिक नेपाल अनलाईनले खबर छापेको छ ।