काठमाडौँ, ७६ पुस २५ । आगामी माघ ३ गते हुने नेपाल एसोसिएसन अफ टूर एण्ड ट्राभल एजेण्ट्स (नाट्टा) निर्वाचनका लागी अध्यक्षका उम्मेद्वार अच्यूत गुरागार्इं समुहले शुक्रवार उम्मेद्वार परिचयात्मक कार्यक्रम गरि आफ्नो प्रतिवद्धता सार्वजनिक गरेको छ । 

पत्रकार सम्मेलनमा नाट्टाका अध्यक्षका प्रत्यासी उम्मेद्वार अच्यूत गुरागार्इंले आफु एक पटकका लागि नाट्टाको अध्यक्षका प्रत्यासी भएको भन्दै सम्पूर्ण पर्यटन बिज्ञ तथा ट्राभल ट्रेडलाई एकपटक आफ्नो व्यावसायिक टीमलाई नाट्टाको नेतृत्व  दिलाईदिन अनुरोध गरे । कार्यक्रममा गुरागाईं समुहको १३ बुँदे प्रतिवद्धतापत्र समेत सार्वजनिक गरियो ।

कार्यक्रममा नाट्टाका पूर्व अध्यक्ष भोलाबिक्रम थापा, धु्रबनारायण श्रेष्ठ, बरिष्ठ पर्यटन व्यवसायी बिक्रम पाँडेकाजीले अच्यूत गुरागार्इं नाट्टा नेतृत्वको लागि सक्षम व्यक्ति भएको वताए ।

गुरागार्इं समुहको बरिष्ठ उपाध्यक्षमा हेमराज बास्तोला (तारा), उपाध्यक्षमा यज्ञमुर्ति आचार्य, महासचिवमा राकेश धमला, सचिवमा गोबिन्द दाहाल, कोषाध्यक्षमा कुमारमणि थपलिया र सह–कोषाध्यक्षमा पासाङ दावा शेर्पा रहेका छन । यस्तै कार्यसमिति सदस्यहरुमा परशुराम घिमिरे, नमराज भेटुवाल र रमेश थापा रहेका छन ।

कार्यक्रममा नाट्टाका अध्यक्ष अध्यक्ष सीएन पाण्डे, नेपाल पर्वतारोहण संघका पूर्व अध्यक्ष आङछिरिङ शेर्पा, नाट्टाका पूर्व अध्यक्ष अर्जुुन शर्मा, टानका पूर्व अध्यक्षद्धय दिपक महत र रमेश धमला, टानका अध्यक्ष खुमबहादुर सुबेदी, बरिष्ठ पर्यटन व्यवसायी गणेश सिंखडा लगायतको उपस्थिति रहेको थियो ।