अँगालो हाल्छ ,पसिनाको भेलले
Saturday May 16, 2020
वि.सं.२०७७ जेठ ३ शनिवार २०:१३
काठमाडौं:अनगिन्ती सपनाका माला उन्दै हजारौँ विचारहरु सिउँदै फाटेको यात्रामा म दलीत हूँ !
दूरदर्शक आँखाहरुले कैल्यै चिनेर पढेन मेरा पूर्खाहरुलाई ।
आफूले आफूलाई वर्गमा विभाजीत गरेर नदीझैँ युग बगिरह्यो मेरो पुर्खा रित्याउैदै चेतनाका रेल गुडिरहे म जन्मिदै ,वर्ग विभाजन भएको हो कुनै कसैले निमार्ण गरिएको हैन मेरा वर्गको ब्रम्हाण्ड एउटा बाहुन हो ।
प्रकृतिको शासनले वर्ग र्सिर्जीत भएको सुन्दर दलीत म !
बुझ्दै छु ,दलीतको अर्थ अनुसन्धानमा खटिएको छु एउटा पोखरीमा ।
उसले हेपेर भन्दै गयो सधैँभरी घृणाको स्वरमा दलीत वर्गमा झुण्डाइदियो मेरा पुर्खाहरुले सहँदै गए शाकहरुले निमार्ण गरेको एक दलीत म ।
वर्ग सिर्जना गराएर खण्डित गर्दै , आ आफना शैलिका परिभाषहारुले दलीत घोषणा गरे डरलाग्दो विभेदका पहाडहरु उभ्याइए म कुनै दलीत हैन किन भने आफूले आफूलाई हेप्न सक्दिन उनीहरुले दलीत भनिरहे मेरो पुर्खा र मैले सहिरह्यौँ म शब्दको परिभाषा खोज्दै टाकुरा चढिरहे छु दलीत किन भएँ ।
मेरा वर्गका गाना बजिरहँदा यस शहरमा सुन्दर दलीत भएको छु समाज अध्ययन गरिहँदा मेरा मालिकहरुले बनाएका रहेछन् मलाई दलीत ।
दलीत हुन पाएको मा निै गौरव छ दुःख विछ्याएर, आँसुमा काँटी ठोकी रहेछु गाउँ शहरका बजारमा ।
आफूले आफूलाई बुझ्न नसकेर म दलीत बनेको छु ।