मुख्य खबर

विश्व बैंकले नेपालका लागि १२ अर्ब रूपैयाँ बराबरको ऋण सम्झौता

  • आर्थिक प्लस संवाददाता

    २०७७ असार १० गते, बुधबार २२:०१ मा प्रकाशित

काठमाडौं – विश्व बैंकले नेपालका लागि उपलब्ध गराउन लागेको १० करोड अमेरिकी डलर ९करीब १२ अर्ब रुपैयाँ० बराबरको ऋण सम्झौतामा हस्ताक्षर भएको छ।

अर्थमन्त्रालयका सचिव शिशिर ढुंगाना र विश्व बैंकको नेपालका लागि राष्ट्रिय व्यवस्थापक फारिस हदाद जार्भोसले उक्त सम्झौतामा आज हस्ताक्षर गरेका हुन्।

विश्व बैंकले उपलब्ध गराउने उक्त ऋण नेपालको विद्युत क्षेत्रको विकास र कोभिड(१९ का कारण क्षति पुगेका क्षेत्रको पुनरूत्थानमा खर्च गर्न गरिनेछ। उक्त ऋण सहयोगबाट नेपाल विद्युत प्राधिकरणको वित्तीय सक्षमता सुधार गरिने अर्थ मन्त्रालयले जनाएको छ।

त्यसैगरी, विद्युत प्राधिकरणलाई थप स्वायत्त, पारदर्शी र जवाफदेही बनाउने गरी नियम ढाँचा तयार गर्न पनि उक्त रकम खर्च हुनेछ।

नेपालको जलविद्युत स्रोतको अधिकतम उपयोग गरी क्षेत्रीय बजार एकीकृत रूपमा उपयोग गर्न र संघीय प्रणालीमा नेपाल विद्युत प्राधिकरणलाई पुनर्संरचना गर्न सहयोग मिल्ने विश्व बैंकले जारी गरेको विज्ञप्तिमा उल्लेख छ।

http://noc.org.np/