मुख्य खबर
२०७७ मंसिर ४ गते, बिहीबार १०:३८ मा प्रकाशित
काठमाडौं । नेपाल उद्योग बाणिज्य महासंघमा चुनावी दौडधुप बढेको छ । बाहिरको मौसम चिसो हुँदै गएको समयमा व्यवसायीहरुको दौडधुपले माहौल गरम बनाइरहेको छ । महासंघको पछिल्ला १५ वर्ष चण्डीराज ढकालको इसारमा वितेको देखिन्छ तर, उनै चण्डीसँग न विवेक छ न व्यवसाय । उनले आफ्ना अघिपछि लाग्ने जमात तयार गरेका छन् र सधै जिल्लामा दौडधुप देखाउँछन् ।
‘चण्डीराज ढकालले धेरै जिल्लाको लागि लामो समय काम गरे । तर, उनले पछिल्ला दिनमा महासंघमा धेरै प्वाल पार्न सुरु गरेका छन् । त्यो प्वालबाट ‘मुसा छिर्ने हो वा साँप’ अहिले छुट्टाउन मुस्कील भएको छ’, एक जिल्ला उद्योग बाणिज्य संघका अध्यक्षले भने । चन्द्रप्रसाद ढकाल चुनाव जित्ने उमेद्वार हुन् । उनले जित्ने चुनावमा चण्डीराजको भूमिकाको विषयमा चर्चा गरिरहनु पर्ने अवस्था छैन । तर, उनले सुरु गरेको निर्वाचन पद्दतीले महासंघमा नयाँ महासंग्राम सुरु गराएको छ । चुनावी संग्राममा पछिल्ला दिन किशोर प्रधान बलियो बन्दै गएको देखिन्छ ।
करिब ३ वर्ष ८ महिनाअघि भएको चुनावमा चण्डीराज ढकालले जुन किसिमले भवानी राणालाई शेखर गोल्छाको समूहको प्रचारको लागि बुटवलमा उतारे त्यहिबाट हुनेवाला अध्यक्षले आफ्नो टिम अगाडि ल्याउन सुरु भएको हो । राणाको कार्यकालनै वरिष्ठ उपाध्यक्ष स्वतः अध्यक्ष बन्ने पहिलो कार्यकाल थियो । अहिले चण्डीराज ढकाल शेखर गोल्छाले विधानको मर्म मिचेर अगाडि बढेको आरोप लगाइ रहेका छन् । उनको आरोपमा चन्द्रप्रसाद ढकाल, उमेशलाल श्रेष्ठ, गुणनीधि तिवारी लगायत सहि थाप्दै हिडेका छन् । तर, ढकालले अघिल्लो पटक जे गराएका थिए त्यही काम अहिले शेखरले गरिरहेका छन् ।
‘हिजो चण्डी दाईले देखाउनु भएको बाटोमा अहिले शेखर छन् । चन्द्र ढकाल र उनका सहयोगीहरुले अहिले शेखरलाई गल्ती भन्दा हिजो किशोर प्रधानलाई अन्याय भएको थिएन र रु’ एक केन्द्रिय सदस्यले भने ।
शेखरले कुनै पक्षमा खुलेर लाग्नु हुन्थ्यो वा हुँदैन थियो त्यो महासंघमा लागेकाले नै जानुन् तर, विगतमा भएका क्रियाकलापलाई शेखरले पनि साथ दिदा अहिले चुनावी गर्मी भने बढेकै छ ।
