काठमाडौ ।  सिंगटी हाइड्रोको आईपीओ सोमबार बाँडफाँड हुने भएको छ । निष्काशन तथा बिक्री प्रबन्धक मेगा क्यापिटलले कम्पनीको आयोजना प्रभावित क्षेत्रका बासिन्दाहरुका लागि निष्काशन गरिएको साधारण सेयर सोमबार बाँडफाँड हुने जनाएको छ ।

कम्पनीले माघ ४ गतेदेखि फागुन ३ गतेसम्म १०० अंकित दरका १४ लाख ५० हजार कित्ता साधारण सेयर खुला गरेको थियो ।

मेगा क्यापिटलको कार्यालय त्रिपुरेश्वमा सोमबार दिउँसो ३ः ३० बजे सेयर बाँडफाँड हुनेछ । कम्पनीले निष्काशन गरेको आईपिओमा २०।३७ प्रतिशत बढी आवेदन परेको छ । कम्पनीको आईपिओमा १९ हजार १ सय ९८ जना आवेदकहरुबाट १७ लाख ४५ हजार ३ सय ५३ कित्ताको लागि आवेदन परेको छ । यस आईपिओमा दोलखाको कालिन्चोक र बिगु गाउपालिकाका स्थानीय बासिन्दाहरुले आवेदन दिएका थिए ।

बाँडफाँड भएपछि कम्पनीले सर्बसाधारणको लागि आईपिओ निष्काशन गर्ने छ । कम्पनीले सर्बसाधारणलाई २९ लाख कित्ता शेयर निष्काशन गर्ने छ ।

कम्पनीले दोलखाको कालिञ्चोक गाउँपालिका–२ बाबरे र विगू–५ चिलंखामा पर्ने सोरुङ खोलामा बाँध बाँधेर २५ मेगावाट क्षमताको जलविद्युत् आयोजना निर्माण गरिरहेको छ ।