काठमाडौं । आज नेपाल स्टक एक्सचेन्ज ९नेप्से० झिनो अंकले बढेको छ । नेप्सेमा आज परिसूचक ०.५६ अंकले बढेर २६७३.८८ विन्दुमा कायम भएको छ ।

यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक पनि ०.१४ अंकले बढेर ४७८.३८ विन्दुमा कायम भएको छ । आज कूल पाँच अर्ब ३२ करोड ६० लाख ५२ हजार रुपैयाँ बराबरको सेयर कारोबार भएको छ । २१५ वटा कम्पनीका एक करोड ४८ लाख ५४ हजार ४२२ कित्ता सेयर ६२ हजार ९७२ पटक खरिद(बिक्री भएका थिए ।

आज नारायणी डेभलपमेन्ट बैंक, बोटलर्स नेपाल ९तराई० र आखुखोला जलविद्युत् कम्पनीको कारोबारमा सकारात्मक सर्किट लागेको छ ।

साल्ट ट्रेडिङ कर्पोरेसनका लगानीकर्ताले सबैभन्दा बढी प्रतिकित्ता २.२७ प्रतिशतका दरले गुमाएका छन् ।आज नेपाल पुनर्बिमा कम्पनीको सेयर सबैभन्दा धेरै ३५ करोड १६ लाख २५ हजार रुपैयाँ बराबरको कारोबार भएको छ । सङ्ख्यात्मक आधारमा लक्ष्मी इक्युटी फण्डका १५ लाख ८९ हजार ८७६ कित्ता सेयर किनबेच भएका थिए । नेपाल पुनर्बिमा कम्पनीको सेयर सबैभन्दा बढी दुई हजार ३१८ पटक खरिद(बिक्री भएको नेप्सेले जनाएको छ ।

बैंकिङ, होटल तथा पर्यटन, जीवन बिमा र माइक्रोफाइनान्स समूहका परिसूचक ओरालो लाग्दा बाँकी सबै समूहका परिसूचक बढेका छन् ।