नेपाल धितोपत्र बोर्डबाट एनआइसी एसिया सेलेक्ट–३० को १० करोड इकाई जारी गर्न अनुमति
Tuesday May 18, 2021
वि.सं.२०७८ जेठ ४ मंगलवार १३:५३
काठमाडौं । एनआइसी एसिया क्यापिटलले १ अर्ब रुपैयाँ बराबरको म्युचुअल फन्ड निष्कासन गर्न अनुमति पाएको छ । क्यापिटलले ‘एनआइसी एसिया सेलेक्ट–३०’ को १० करोड इकाई बिक्री गर्न नेपाल धितोपत्र बोर्डबाट अनुमति पाएको हो ।
प्रतिइकाई १० रुपैयाँको दरले म्युचुअल फन्ड बिक्री हुनेछ । यस फन्डको कोष व्यवस्थापक एनआइसी एसिया क्यापिटल रहेको छ । एनआइसी एसियाको व्यवस्थापनमा सञ्चालन हुन लागेको यो चौथो म्युचुअल फन्ड योजना हो ।
हाल एनआइसी एसिया ब्यालेन्स्ड फन्ड, एनआइसी एसिया ग्रोथ फन्ड र डाइनामिक डेब्ट फन्ड सञ्चालनमा रहेका छन् ।