साउन महिनामा बाणिज्य बैंकहरुले ६ अर्ब ३१ करोड ११ लाख रुपैयाँ नाफा गरेका छन्। नेपाल बैंकबाहेक बाँकी २६ वटा बाणिज्य बैंकहरुले उपलब्ध गराएको विवरण अनुसार, सर्वाधिक नाफा नबिल बैंकले गरेको छ भने सबैभन्दा कम राष्ट्रिय बाणिज्य बैंकले गरेको छ।

नबिल बैंकले ६१ करोड रुपैयाँ खुद नाफा आर्जन गरेको छ। राष्ट्रिय बाणिज्य बैंकले ७ करोड २२ लाख रुपैयाँ मात्र नाफा गरेको छ। १० करोडभन्दा कम नाफा गर्नेमा बैंक अफ काठमाण्डू र सेञ्चुरी कमर्सियल बैंक पनि छन्।

गत आर्थिक बर्ष बैंकहरुले ६३ अर्ब ३७ करोड रुपैयाँ नाफा गरेका थिए। यसमा नेपाल बैंकको पनि हिसाब छ। २६ वटा बैंकको एक महिनाको नाफाका आधारमा आगामी बर्षको ९१२ महिनाकै० अनुमान लगाउँदा ७५ अर्ब ७३ करोड रुपैयाँ ९नेपाल बैंकको जोड्दा अझै धेरै० नाघ्ने देखिन्छ।

एक महिनामा नबिलपछि ग्लोबल आइएमइ बैंकले ४८ करोड ४६ लाख रुपैयाँ नाफा गरेको छ। यसपछि एनआइसी एसियाले ४१ करोड रुपैयाँ नाफा गरेको छ।

मुक्तिनाथको नाफा धेरै विकास बैंकहरुले ६४ करोड ९१ लाख रुपैयाँ नाफा गरेका छन्। राष्ट्र बैंकले उपलब्ध गराएको तथ्यांक हेर्दा यसमा साहारा, साल्पा, कर्पोरेट र नारायणी डेभलपमेन्ट बैंकको तथ्यांक जोडिएको छैन।

सबैभन्दा बढी नाफा मुक्तिनाथ विकास बैंकले गरेको छ। बैंकले १४ करवड १५ लाख रुपैयाँ नाफा गरेको छ। यसपछि ज्योति विकास बैंकले ९ करोड ६७ लाख रुपैयाँ गरेको छ। सबैभन्दा कम सिन्धु विकास बैंकले २२ लाख ५० हजार रुपैयाँ गरेको छ। फाइनान्स कम्पनीहरुले १६ करोड ४१ लाख रुपैयाँ नाफा गरेका छन्।