इलामको माई नगरपालिका ९ मा नेकपा एमालेको राईसहित प्यानलनै विजयी
Monday May 16, 2022
वि.सं.२०७९ जेठ २ सोमवार १०:३६
इलाम । इलामको माई नगरपालिका वडा नम्बर-९ मा नेकपा एमालेका लिला कुमार राईको प्यानलनै विजयी भएका छन । राईले ७५४ मात प्राप्त गर्दै विजयी भएका हुन् ।
उनका निकटतम प्रतिस्पर्धी नेकाका सोम बहादुर लिम्बुले ४०२ मत प्राप्त गरेका थिए। सदस्यद्वयमा विनोद साउदेन(७२१ र गणेश तामाङ्ग-६८७ मत ल्याउदै विजयी वनेका छन् । निकटतम प्रतिस्पर्धी नेकाका धनबहादुर कटुवालले ३८४ र माओबादी केन्द्रका राजु लोक्तामले ३०२ मत प्राप्त गरेका छन् ।
महिला सदस्यमा सोनिया लिम्बु-७३८ र दलित महिला सदस्यमा कल्पना बिश्वकर्मा-७३८ नै मत प्राप्त गरी निर्वाचित भएका हुन । उनी हरुका निकटतम प्रतिस्पर्धी नेपाली कांग्रेसका अमृता एक्तेन-३६२ र कमला दर्जीले ३५१ मत प्राप्त गरे।
माई नगरमा नेपाली कांग्रेस र माओबादी पार्टी विच गठबन्धन रहेको छ । मेयर पदका पछिल्लो मत परिणाम अनुसार २९६६ मत गणना हुँदा एमालेले शुरु देखिको अग्रता कायम राखेको छ । एमालेका मेयर पदका उम्मेद्वार खम्वसिंह लिम्बुले १ हजार ६४० मत र माओवादी केन्द्रका उम्मेद्वार धन बहादुर लिम्बुले ९२५ मत प्राप्त गरेका छन् ।
त्यस्तै उपमेयरमा एमालेका हिमा भण्डारी नेकाका उमेरद्वार हेम बहादुर लिम्बु भन्दा ४८६ मतान्तरले अगाडि रहनु भएको छ। भण्डारीले १५९६ ल्याउदा लिम्बुले १११० प्राप्त गर्नु भएको हो। माईमा अहिले माई ७ र ८ को मतगणना भईरहेको छ।