काठमाडौं । भ्रष्टाचार मुलुक सिध्याउने दीर्घकालीन रोग भएको भन्दै भ्रष्टाचारीलाई कारवाही गर्ने उद्घोष गर्दै आएको नेपाल समाजवादी कांग्रेस एक्सनमै उत्रिने भएको छ। त्यसका लागि उसले एन्टी करप्सन ब्रिगेड संग सहकार्य गर्ने टुंगो लगाएको छ।

नेपाल समाजवादी काग्रेस र एन्टी करप्सन ब्रिगेड बीच आज समझदारी पत्रमा हस्ताक्षर भएको समाजवादी कांग्रेसका केन्द्रीय अध्यक्ष गोबिन्द निरौलाले बताए। मुलुकमा शान्तिपुर्ण नागरिक आन्दोलनको माध्यमबाट संबैधानिक प्रजातन्त्र र हिन्दुराज्य स्थापनाको निम्ति भ्रष्टाचारी बाधक भएको ठहर गर्दै अभियान संचालन गरिने निरौलाले बताए। अति गोप्य दस्ताबेज र सुचना प्राप्त गरिसकेकाले अब एक्सनमै जाने पार्टीको रणनीति भएकाले काम कारबाही तिब्र पारिएको निरौलाको भनाई छ। उनका अनुसार एक महिना पछि बाट नतिजै देखिने छ।

भूमिगत अवस्थामा रहेको को एन्टी करप्सन ब्रिगेडका तर्फ बाट ब्रिगेडियर जनरल नवीनले र पार्टीकोतर्फ बाट अध्यक्ष निरौलाले सहमती पत्रमा हस्ताक्षर गरे संगै काम तीब्र हुने बुझिएको छ। बिग्रेडले अब उप्रान्त भ्रष्टचार हुन नदिने, भए गरेका भ्रष्टचारको संम्पती देशको राष्ट्रिय कोषमा जम्म गर्न लागाउने, त्यसो नगरे अबैध सम्पती नियन्त्रण गरेर गरिव जनताको स्वामित्व स्थापित गर्ने जस्ता कार्य संचालन गर्ने भन्ने मापदण्ड बनाएको पनि छ।