काठमाडौं । विद्युत नियमन आयोगले अरुण काबेली हाइड्रोपावरलाई हकप्रद सेयर निष्कासन गर्न अनुमति दिएको छ। आयोगले कम्पनीलाई १ बराबर १ शेयरको अनुपातमा हक्रद शेयर निष्कासन गर्न अनुमति दिएको हो।

कम्पनीको ११ औं वार्षिक साधारण सभाले आर्थिक वर्ष २०७७/७८को चुक्ता पुँजीमा प्रस्तावित १७ प्रतिशत बोनस सेयरपछि कायम हुन आउने चुक्ता पुँजीको शतप्रतिशत हकप्रद निष्कासन गर्ने विशेष प्रस्ताव पारित गरेको थियो।Ed-markCivil Bank

उक्त बोनस सेयर वितरणपछि अरुण काबेलीको चुक्ता पुँजी १ अर्ब ८५ करोड रुपैयाँ पुगेको छ। कम्पनीले सोही बराबरको हकप्रद निष्कासन गर्ने भएको हो।

हकप्रद बिक्रीपछि कम्पनीको चुक्ता पुँजी ३ अर्ब ७१ करोड रुपैयाँ पुग्नेछ।

धितोपत्र बोर्डबाट अनुमति पाएपछि कम्पनीको हकप्रद शेयर बिक्रीमा आउने छ।