काठमाडौं । नेपाली काँग्रेसका युवा नेता प्रदीप पौडेलले, देशको राष्ट्रिय ध्वजा वहाक नेपाल वायु सेवा निगम आफ्नै कमाइमा बाच्नु पर्ने बताएका छन् । नेपाल वायुसेवा निगम कर्मचारी सङ्घको नवौँ केन्द्रीय अधिवेशनलाई सम्बोधन गर्दै नेता पौडेलले, राज्यको पैसामा निगम चल्ने नभई आफ्नै खुट्टामा उभिनु पर्ने बताए ।

उनले भने, ‘नेपालमा वायु सेवा निगम आफैँ सरभाईभ गर्ने स्थितिमा पुग्नु प¥यो । राज्यको पैसा गरिब नागरिकको लागि खर्च हुनु प¥यो शिक्षा स्वास्थ्यमा खर्च हुने स्थिति हुनु प¥यो । हामी कहाँ अधिकारको धेरै कुरा हुन थाल्यो अधिकारसँगै कर्तव्य र दायित्वको बारेमा गम्भीर हुन जरुरी छ ।’

अनौपचारिक क्षेत्रमा धेरै रकम दोहन भइरहेको बताउँदै उनले न्यूनतम ज्याला समेत निर्धारण गर्न नसकेको सङ्गठन आफैँ सक्षम बन्नुपर्ने तर्क राखे ।

श्रमजीवीका नाममा धेरै पार्टीहरू खुले पनि श्रमजिवीको मुख्य समस्या सम्बोधन गर्न कसैले नसकेको उनको भनाई छ ।