काठमाडौं । नेकपा एमालेका अध्यक्ष एवम् पूर्वप्रधानमन्त्री केपी शर्मा ओली अस्वस्थ भएका छन् ।

आइतबार साँझ सामाजिक सञ्जाल फेसबुकबाट उनले आफूलाई भाइरल ज्वरो आएको कारण स्वास्थ्यमा समस्या हुँदा उपचिर्वाचनमा प्रचारका लागि जान नसक्ने जानकारी गराएका छन् ।

‘भाइरल ज्वरोका कारण मेरो स्वास्थ्यमा केही समस्या आएको छ । अहिले म एन्टिबायोटिक औषधि खाएर निवासमै आराम गरिरहेको छु ।’ ओलीले आफ्नो फसबुकमा लेखेका छन् ।

उनले चाहाना हुँदा हुँदै पनि अस्वस्थताका कारण आगामी बैशाख १० गते हुन लागको बारा–२, चितवन–२ र तनहुँ–१ उपनिर्वाचनको प्रचार प्रसारमा सहभागी हुन नसकेको उल्लेख गरेका छन् । तर स्वास्थ्य ठीक भएपछि ती ठाउँका मतदाता भेट्न जाने समेत ओलीले बताएका छन् ।