न्यु दिल्ली– कोकाकोला इन्डियाले अजय विजय बथिजालाई फ्रान्चाइज अपरेसन फर साउथवेस्ट एसियाको भाइस प्रेसिडेन्ट रूपमा नियुक्त गरेको छ। कोका-कोला कम्पनीसँग अजयको करिब २४ वर्षको करियर यात्रा रहेको छ।

अजयले सन् १९९९ मा हिन्दुस्तान कोका-कोला बेभरेज प्रालि र फ्रन्ट लाइन सेल्स टिमसँग आफ्नो व्यावसायिक यात्रा सुरु गरेका थिए। उनी २००५ मा स्याब्को भियतनाममा मेकोंग डेल्टा क्षेत्रको लागि रिजन म्यानेजर पनि रहेका थिए।

उनी कोलाजका लागि मार्केटिङ डाइरेक्टरको रूपमा भारत फर्के र ‘शेयर अ कोक’ अभियानको नेतृत्व गरे। उनकै योजनामा सफलतापूर्वक कोका-कोला जिरो सुगर पहिलोपटक भारत र दक्षिणपश्चिम एसिया बजारमा ल्याइएको थियो। उनले एकीकृत मार्केटिङ अभियानहरूमार्फत् थम्स अपलाई पुनरुत्थान गर्नमा पनि महत्वपूर्ण भूमिका खेलेका कम्पनीले जनाएको छ।

२०१८ देखि २०२० सम्म बंगलादेशका लागि कन्ट्री म्यानेजर रहेका अजयले विश्वव्यापी रूपमा द कोका-कोला कम्पनीभित्र बंगलादेशलाई कोका-कोलाका टप ३ बजारहरूमा ल्याउन बोटलिंग पार्टनरहरूसँग नजिक रहेर काम गरेका थिए। सन् २०२० मा उनी फ्रन्टलाइन मार्केटिङमा वरिष्ठ डाइरेक्टर हुन पुगे, जहाँ उनले पोर्टफोलियो स्ट्राटेजी पङ्क्तिबद्ध रुपमा संचालन गरेको कम्पनीले जनाएको छ। बंगलादेशमा कम्पनीको सबैभन्दा चर्चित म्युजिकल फ्रान्चाइजी ‘कोक स्टुडियो’ सफलतापूर्वक सुरु गरेका थिए। उनको अग्रगामी ‘इज कुकिंग’ले कोक र खानाको अनुभव प्रदान गर्ने प्लेटफर्मको साथ जस्तै ‘कोलकाता कुकिंग’सँग कोका-कोलाको ब्रान्ड लोकप्रियता र उपभोक्ता संलग्नतालाई बढावा दिएको छ।

कोकाकोला भारत तथा दक्षिणपश्चिम एसियाका अध्यक्ष संकेत रे विजयबारे भन्छन्, ‘व्यवसायको बुझाइ र विकासको मानसिकताका साथ, अजयसँग व्यवसायलाई नयाँ उचाइमा पुर्‍याउने प्रमाणित ट्र्याक रेकर्ड छ। हामी आशावादी छौं कि उहाँले असल व्यावसायिक कौशलता र सहयोगी दृष्टिकोणले उहाँले दक्षिणपश्चिम एशिया क्षेत्रमा यस संगठनको उद्देश्यलाई अगाडि बढाउनुहुनेछ।’

अजयले निम्स, मुम्बईबाट मार्केटिङ म्यानेजमेन्टमा मास्टर्स पूरा गरेका छन्। उनले एचआर कलेज अफ कमर्स एन्ड इकोनोमिक्सबाट वाणिज्यमा स्नातक तह हासिल गरेका छन्।