काठमाडौं । राष्ट्रिय विपद् जोखिम न्यूनिकरण तथा व्यवस्थापन प्राधिकरणका सहसचिव रुद्र तामाङले, डुबान रोकथामको विषयलाई नीतिगत रुपमा व्यवस्थित गर्न जरुरी रहेको बताएका छन् ।

विश्व डुबान रोकथाम दिवसको अवसरमा आयोजित विपद् संवादमा उनले वार्षिकहरुमा हुने छलफल र अन्र्तक्रियाले मात्रै समस्या समाधानमा ठोस काम नगर्ने भन्दै नीतिगत सुधार अहिलेको आवश्यकता भएको बताए ।

सबैलाई तालिम दिने काम सम्भव नभएको भन्दै यो विषयमा केन्द्रीय, प्रदेश, स्थानिय सरकार र गैर सरकारी संस्थाहरुको भूमिकाको विषयहरु एउटै तहबाट नीति बनाएर जानु पर्ने उनको तर्क छ ।

उनले भने, ‘विपद् संवादमा हामीले धेरै विषयमा छलफल गरेका छौ । यसमा तल्लो तहसम्म जानु पर्ने हुन्छ कसरी काम गर्न सकिन्छ भनेर सोच्नु पर्छ । हामीले सबैलाई तालिम दिएर त हुदैँन् । हामी नीतिगत रुपमा कुरा गर्दा साना कुरहरु पनि बुझ्दै जानुपर्ने हुन्छ ।

 

हामीले केन्द्रीय सरकार, प्रदेश सरकार, स्थानिय सरकारले के गर्न सक्छ भनेर गैर सरकारी संस्थाहरुको भूमिका के हुनसक्छ, हामी तल्लो तहसम्म कसरी जान सक्छौ । यो सबै विषयहरु एउटै तहबाट नीति बनाएर जानु पर्छ । ’

 

उनले विपत्त सबै ठाँउमा हुन सक्ने हुदाँ तल्लो तहमा जनचेतना बढाएर लाने हो भने यसको रोकथाममा सहज हुने बताए ।

यसको साथै उनले विकास निमार्णका कुरा, नयाँ संरचना निमार्णको कुरा, स्थानिय तहहरु सबल हुने र तथ्यांकहरु व्यवस्थापन गर्ने विषय पनि व्यवस्थित हुनुपर्ने बताए।

उनले भने, ‘जहाँ पनि विपत्ति हुन्छ, त्यसलाई न्यूनिकरण कसरी गर्ने एउटा पाटो हो, विकास निमार्णका कुराहरु भए, नयाँ संरचना निमार्णको कुरा, स्थानीय तहहरु सबल हुने कुरा आएको छ ।

हामीले तथ्यांकहरुलाई पनि व्यवस्थापन गर्नुपर्ने छ, तल्लो तहमा जनचेतना बढाएर लाने हो भने यसको रोकथाममा सहज हुन्छ । खोज, उद्धारको कार्यक्रममा तीन तहकै सरकार लागेको छ ।

’
विकास निमार्णका कुराहरुमा के गरेका छौ, योजना कसरी गरेका छौ, भूउपयोग नीतिलाई के गरिरहेका छौ, नयाँ संरचनाहरु कसरी निमार्ण गरेका छौ, नयाँ भवनहरु बनाउँदा कसरी बनाई रहेका छौ यी सबै विषयलाई पनि ध्यान दिनु आवश्यक रहेको उनको भनाई छ ।