काठमाडौं । वायु सेवा संचालकहरुले आफूहरु वायु सेवा क्षेत्रको सुरक्षाका लागि गम्भीर रहेको बताएका छन् ।
हवाई उड्डयनको वर्तमान अवस्था चुनौती र अवसर सम्बन्धमा आयोजित कार्याशाला गोष्ठीमा बुद्ध एयरका संचालक विरेन्द्र बस्नेतले, आफूहरु पछिल्लो दुर्घटना पछि झनै गम्भीर बनेको बताए ।

साना तिना समस्या आउने तर त्यसलाई कम गर्न सक्दो प्रयास गरिएको उनको दाबी छ ।

उनले भने ‘ इलेक्ट्रोनिक मोनिटरिङ सिस्टम, इन्जिनको फास्ट इत्यादी सिस्टमहरु चै प्राथमिकता दिएका छौं । जसले रियल टाइम मोनिटरहरु हुन्छ । एक्सिडेन्ट हुनु भन्दा पहिले सानो सानो हिल्चेजहरु आउँछ । उनले भने ‘हामीहरुको सिभिल एभिएसनको सेफ्टी डिर्पाटमेन्टसंग एकदमै राम्रो नङ मासु जस्तो इन्टर्याक्सन छ । र हामीहरुले उहाँहरुसंग इन्टरयाक्सन गरेर हाम्रा सेफ्टी कर्नसर्नहरुलाई हामी समाधान गर्दछौ ।’

अर्का वायु सेवा संचालक क्याप्टेन रामेश्वर थापाले, सरकारले तोकेको भ्याट तिर्न नसकिने बताए ।
एभिएसन क्षेत्रलाई सरकारले राम्रो व्यवहार गर्न नसकेको दुखेसो गरेका उनले सरकारले बजेट निर्माणका क्रममा आफूहरुसंग छलफल नगरेको भन्दै असन्तुष्टि पोखे ।

 

‘पुँजीगत र्खचको हकमा भ्याटमा हामी नेगेटिभ कोही पनि होइन् । सर्भिसमा भ्याट दिन तयार छौं । यो टिकटबाट उठाएर तिर्ने भ्याट हो । तर यसको प्रक्रियाको कुरा थुप्रै बाँकी नै छ । कसरी गर्ने के गर्ने । आजसम्म हामी भ्याटमा गएकै छैनौं रजिष्टर नै छैनौं ।’

नेपालको एभिएसनमा निजि क्षेत्रको प्रवेश भएको ३० वर्ष कटेको भन्दै यसको नियमन गर्ने संस्था अरु नै रहेको भन्दै पुँजीगत खर्चमा भ्याट लगाउने कुरामा भने आफूहरुको सहमति नरहेको उनको भनाई छ ।