काठमाडौं । अहिले जावलाखेलस्थित सदर चिडियाखानामा ६ वटा बाघ छन्। त्यसमध्ये ४ वटा भाले र २ वटा पोथी । ५ देखि १८ वर्ष उमेर समुहका उनीहरुसंगै बस्न पाउँदैनन् । १३ वर्षको महाराज र ५ वर्षकी महारानीलाई संगै राखिएको छ । सबै भन्दा वृद्ध १८ वर्षको बाङ्गेलाई १२ वर्षको बगौराको साथ छ । १० वर्षको प्रताप र ८ वर्षीया जगतीसंगै बस्छन् ।

जम्मा ६ वटा बाघलाई किनसंगै नराखिएको त रु चिडियाखानाका सूचना अधिकारी गणेश कोइरालाले भने ‘संगै राख्दा झगडा हुन सक्छ । उमेर समहु पनि फरक फरक छ तसर्थ छुट्टै राखिएको छ ।’

सबैभन्दा कान्छी महारानीलाई कन्चनपुरबाट उद्दार गरेर ल्याइएको हो । सबैभन्दा वयस्क बाङ्गेलाई पनि चितवनबाट ल्याइएको हो ।
नाम कसरी राख्नु हुन्छ रु किन बाङ्गे भन्नु भएको रु सुचना अधिकारी कोइरालाले हाँस्दै भने ‘ बाङ्गे बाङ्गो परेर हिड्छ ’ अरुलाई पनि यस्तै विषय जोडेर नाम राखिएको छ ।

बाघको पनि ब्रत ?

चिडियाखानाका बाघहरु हरेक हप्ता शनिबार ब्रत बस्छन् । यसअघि एकादशिको दिन बाघलाई भोकै राखिन्थ्यो तर अहिले हरेक शनिबार उनीहरु भोकै पर्छन् । सूचना अधिकारी कोइरालाले भने ‘ हरेक शनिबार उनीहरुलाई आहारा दिइँदैन् । एक दिन फाष्टिङ हुन्छ । स्वास्थ्यकै हिसावले पनि उनीहरुका लागि आहारा नदिइएको हो । यसले आर्थिक भार पनि कम हुन्छ ।’

अब त उनीहरु पनि बानी परिसके आज खान पाइदैन भन्ने उनीहरुलाई थाहा हुन्छ।
तर आज भने शनिबार भएपनि बाघ दिवस परेकोले बाघलाई आहारा खुवाईएको छ । वातावरणमन्त्री डाक्टर विरेन्द्र यादवले आज विहानै चिडियाखाना पुगेर बाघलाई आहारा दिएका हुन् ।

एक दिनमा कति खान्छन् ?

सामान्यतया चिडिया खानाका बाघलाई एक दिनमा एभरेजमा ५ किलो मासु आहाराको रुपमा दिइन्छ ।
तर चिडियाखानाले भालेका लागि ६ किलो र पोथिका लागि ५ किलोका दरले मासु खुवाउने गरेको छ । सूचना अधिकारी गणेश कोइरालाले, भने ‘ उनीहरुलाई प्राय जसो भैसीको मासु दिने गरिएको छ । स्वास्थ्यका हिसावले पनि उनीहरुलाई बफ नै फाइदा जनक छ । ’

कहिले कहिँ भने उनीहरुले अन्य जनावरको पनि मासु चाख्न पाउँछन् ।

 

एउटा बाघलाई प्रतिदिन पाँच केजीका दरले राँगाको मासु खुवाउनुपर्दा प्रतिवर्ष करिब ५६ लाखभन्दा बढी खर्च आउने सदर चिडियाखानाका सूचना अधिकारी कोइरालाले बताए।