काठमाडौं । विद्युतीय व्यवसायीहरुको छाता संस्था नेपाल विद्युतीय व्यवसायी महासंघको रुपन्तरण दिवसको उपलक्ष्यमा काठमाडौं विद्युतीय व्यवसायी संघले मिति २०८० साल भाद्र ३० गते शनिबार महाराजगञ्ज काठमाडौंमा र मिति २०८० साल भाद्र ३१ गते आइतबार भोटेवहाल, काठमाडौेंमा रक्तदान कार्यक्रम को आयोजना गरि १३४ पिन्ट रगत संकलन गरिएको छ ।

विद्युतीय व्यवसायीहरुको छाता संस्था नेपाल विद्युतीय व्यवसायी महासंघका अध्यक्ष श्री रेशम प्रसाद देवकोटाज्यूको प्रमुख अतिथ्यतामा रक्तदान कार्यक्रम आयोजना गरिएको थियो । काठमाडौं विद्युतीय व्यवसायी संघ, गोंगबु एरिया समिति र चावहिल एरिया समितिको सहयोगमा मिति २०८० साल भाद्र ३० गते शनिबार महाराजगञ्ज काठमाडौंमा महासंघका अध्यक्ष श्री रेशम प्रसाद देवकोटाज्यूले रक्तदान गरि शुरु गरिएको उक्त रक्तदान कार्यक्रममा महासंघ एवं संघका पदाधिकारी, संघसंग आवद्ध सदस्य तथा विद्युतिय सामानका व्यवसायी एवं सर्व साधारणहरूद्धारा जम्मा ४१ जनाले रक्तदान गर्नु भएको थियो ।

काठमाडौं विद्युतीय व्यवसायी संघ र बोधिसत्व परिवार क्लबको संयुक्त आयोजनामा मिति २०८० साल भाद्र ३१ गते आइतबार भोटेवहाल, काठमाडौेंमा संघका अध्यक्ष श्री दिवेश कुमार जैनज्यूले रक्तदान गरि शुरु गरिएको उक्त रक्तदान कार्यक्रममा महासंघ एवं संघका पदाधिकारी, संघ एवं क्लबसंग आवद्ध सदस्य तथा विद्युतिय सामानका व्यवसायी एवं सर्व साधारणहरूद्धारा जम्मा ९३ जनाले रक्तदान गर्नु भएको थियो ।

सो अवसरमा संघका अध्यक्ष श्री दिवेश कुमार जैनज्यूले रक्तदान कार्यक्रममा सहभागीहरूलाई प्रमाण–पत्र प्रदान गर्नु भएको थियो ।