प्रथम मकवानपुर जिल्ला लिग छनोट : जनप्रवाह क्लब र बकैया युबा क्लबबीच प्रतिस्पर्धा
Friday Dec 15, 2023
वि.सं.२०८० मंसिर २९ शुक्रवार १०:११
हेटौंडा । हेटौंडामा जारी प्रथम मकवानपुर जिल्ला लिग छनोट फुटबल प्रतियोगितामा आज जनप्रवाह क्लब र बकैया युबा क्लबबीच प्रतिस्पर्धा हुँदै छ ।
सेमिफाइनलको दोस्रो खेलमा आज जनप्रवाह क्लब र बकैया युबा क्लब आमने सामने हुने भएका हुन् । खेल हेटौंडा उपमहानगरपालिका वडा नम्बर ५ स्थित पिप्ले–क्याम्पा रंगशालामा दिउँसो १ बजेबाट सुरु हुनेछ ।
यसअघि हिजो सेमिफाइनलको पहिलो खेलमा पञ्चशिल युबा क्लबले जनहित युबा क्लबलाई ३–० गोल अन्तरले पराजित गरेको थियो ।
आजको विजेता टोलीसँग आगामी ३० गते पञ्चशिल युबा क्लबले फाइनलमा प्रतिस्पर्धा गर्नेछ ।
प्रतियोगितामा १२ वटा टोलीले सहभागिता जनाएका छन् । जिल्ला लिगबाट छनोट हुने दुई टोलीले मकवानपुर जिल्ला लिगमा स्थान पाउने छन् ।
