काठमाडौँ । शिक्षामन्त्री अशोककुमार राईले विद्यालय शिक्षा विधेयक चाँडो टुंगो लगाउन संसदीय समितिसँग आग्रह गरेका छन् ।

आइतबार प्रतिनिधिसभाको शिक्षा समितिमा मन्त्री राईले विधेयक शिक्षामा भएको लगानीलाई फलदायी बनाउन नियमित बैठक राखेर छलफल गरी विधेयक चाँडो टुंगो लगाउन आवश्यक भएको बताए।

मन्त्री राईले भने, ‘यो ऐन धेरै नै महत्वपूर्ण छ । यसले हाम्रो राष्ट्रिय शिक्षा पध्दतीलाई कसरी अगाडि बढाउने प्रभावकारी बनाउने र आजसम्म शिक्षामा भएको लगानिले जति हामीलाई प्रतिफल दिएको छ । अझै प्रतिफलदायी बनाउन यति धेरै चिन्ता, चासो छमेरो एउटा विशेष अनुरोध के छ भने समय मन्त्रालयको तर्फबाट मिलाउँछौं। तपाईहरुले यसलाई सकेसम्म नियमित बैठक राखेर छलफल गरिकन यसलाई टुङग्याइदिन पाए मूलुकको निकै ठूलो कल्याण हुने. थियो ।’

मन्त्री राइृले शिक्षकहरुको सेवा सुविधा र शिक्षा क्षेत्रमा खेल्नुपर्ने भुमिका र जिम्मेवारीलाई पनि सुनिश्चीत गर्न आवश्यक रहेको बताए ।
उनले भने,‘शिक्षकहरुको सेवा सुविधा उहाँहरुको हक अधिकार र उहाँहरुले शिक्षा क्षेत्रमा खेल्नुपर्ने भुमिका र जिम्मेवारी र कर्तव्यलाई पनि सुनिश्चित गर्नुपर्ने अवस्था छ ।’