नेकपा एमाले टोखा नगर कमिटीले नेपाल कम्यूनिष्ट पार्टीको विकासमा टोखाको भूमिका विषयक पुस्तक निकाल्ने
Tuesday Jan 30, 2024
वि.सं.२०८० माघ १६ मंगलवार १२:२३
काठमाडौं । नेकपा एमाले टोखा नगर कमिटीले नेपाल कम्यूनिष्ट पार्टी विकासमा टोखाको योगदानलाई समेटेर पुस्तक प्रकाशन गर्ने भएको छ ।
टोखा नगर कमिटी अध्यक्ष सत्यनाराण डंगोलले सुखानीको जंगलमा हत्या गरिएका सहिदको स्मरण गर्दै फागुन २१ गते नेकपा एमाले टोखा नगर कमिटीले सो पुस्तक विमोचन गर्ने बताए ।
उनका अनुसार पुस्तकमा नेपाल कम्यूनिष्ट पार्टी यहाँसम्म आइपुग्नुमा टोखाको भूमिका समेटिनेछ ।
‘नेपाल कम्यूनिष्ट पार्टीको इतिहासमा टोखा ऐतिहासिक स्थल हो । आजको नेकपा एमाले बन्ने क्रममा पटकपटक पार्टीका केन्द्रीय कमिटीका बैठक बसेको ठाउँ हो यो,’ उनले भने, ‘२०४६ सालमा भएको जनआन्दोलनपश्चात् बहुदलीय व्यवस्था कार्यान्वयनसँगै तत्कालीन कम्यूनिष्ट पार्टी मालेलाई हामीले खुला रुपमा लाने कि नलाने भन्ने बहस यही टोखामा भएको थियो ।’
