काठमाडौं । महालक्ष्मी विकास बैंक लिमिटेडका ग्राहकहरुले विभिन्न संस्थाका सेवाहरुमा विशेष छुट पाउने भएका छन् । बैंकका अनुसार ‘सबल बैंक, सफल सहकार्य’ को नारालाई आत्मसाथ गर्दै नेपाली जनताको घरदैलोमा विगत ३० वर्ष देखि अनवरत रुपले गुणस्तरीय वित्तीय सेवा प्रदान गर्दै आएको संस्थाले स्वास्थ्य, होटल तथा रेष्टुरेन्ट क्षेत्रका संस्थासँग समन्वय गरी अगाडि बढ्ने अभिप्रायका साथ विभिन्न स्थानमा अवस्थित संस्थाहरुसँग सम्झौता गरेपश्चात ग्राहकहरुले यस्तो छुट पाउने भएका हुन ।

 

बैंकका अनुसार कसमस रिट्रट्स प्रालि चावहिल काठमाण्डौमा १० देखि १५ प्रतिशत, श्रीराम हष्पिटल प्राली बिरगञ्ज पर्सामा १० देखि ३० प्रतिशत, सिएमसी चुरे हष्पिटल मकवानपुर हेटौडामा सात देखि २० प्रतिशत, होटल भिषुवा प्रालि पर्सामा सात देखि ३० प्रतिशत, शितल चौतारी होटल एण्ड म्यानेजमेन्ट इन्स्टिुच्युट एण्ड रेष्ट्रो प्रालि नयाँ बानेश्वरमा १४ प्रतिशत र अल्फा डेन्टल हेटौंडामा १५ प्रतिशत छुट दिईन गरी सम्झौंता गरिएको हो ।

 

सम्झौता पश्चात महालक्ष्मी विकास बैंकका डेविट कार्ड, क्रेडिट कार्ड तथा मोबाइल बैंकिङ्ग प्रयोग गर्ने ग्राहकहरुले उक्त संस्थाहरुका विभिन्न सेवाहरुमा विशेष छुट प्राप्त गर्न सक्नेछन् । यस किसिमको सहकार्यबाट बैंकका डेविट कार्ड, क्रेडिट कार्ड तथा मोबाइल बैंकिङ्ग प्रयोग गर्ने ग्राहकहरु प्रत्यक्षरुपमा लाभान्वित हुने विश्वास बैंकले लिएको छ ।