काठमाडौं । नेपाल बीमा प्राधिकरणको कार्यकारी निर्देशकमा सुशिल देव सुवेदी नियुक्त भएका छन्। प्राधिकरणको पदपूर्ति समितिको बैठकले सुवेदीलाई कार्यकारी निर्देशकमा नियुक्त गर्ने निर्णय गरेको हो।

बरिष्ठताको आधारमा कमलराज रेग्मी अघि भए पनि, पछिल्लो पाँच वर्षको कार्यसम्पादन मूल्याङ्कनमा सुवेदीले उच्च अंक प्राप्त गरेपछि उनी कार्यकारी निर्देशक बन्न सफल भएका हुन्।

लोकसेवा आयोगको टिम, बीमा प्राधिकरणकै पदपूर्ति समितिका अध्यक्ष मदन दाहाल र विज्ञ सदस्यहरू सम्मिलित टोलीले कार्यसम्पादन मूल्याङ्कनसहितको विधि अपनाउँदै सुवेदीलाई नियुक्त गर्ने सिफारिस गरेको थियो।

सुवेदीले सूचना प्रकाशित भई कार्यालय खुलेपछि नियुक्ति पत्र प्राप्त गर्नेछन् र पदभार ग्रहण गर्नेछन्।

कार्यकारी निर्देशक पदका लागि प्रतिस्पर्धामा रहेका निर्देशकहरू कमलराज रेग्मी, सुशिल देव सुवेदी, र पुजन ढुंगेलमध्ये सुवेदीले ७७.१९४ अंक प्राप्त गरी नियुक्ति पाएका हुन्।