काठमाडौं । एनआईसी एशिया बैंकले आफ्नो नाममा रहेका विभिन्न कम्पनीका ३७८ वटा दुईपाङ्ग्रे मोटरसाइकल लिलाम बिक्रीमा राखेको छ। बैंकले यी मोटरसाइकलहरू जस्ताको तस्तै अवस्थामा बिक्री गर्ने जनाएको छ।

बिक्रीमा राखिएका मोटरसाइकलहरूमा बजाज डिस्कोभरका १५८ वटा, बजाज पल्सरका ३२ वटा, हेरो प्लेजरको १ वटा, हेरो सुपर स्पेण्डरका ६१ वटा, होण्डा साइनका २ वटा, सुजुकीका १०६ वटा र यमाहाका १८ वटा मोटरसाइकल समावेश छन्। खरिद गर्न चाहनेले रकमको १० प्रतिशत अग्रीम भुक्तानी गर्नुपर्नेछ।

यसैगरी, बैंकले पुराना मोटरसाइकल बिक्री गरेर ३२५ वटा नयाँ दुईपाङ्ग्रे (मोटरसाइकल तथा स्कुटर) खरिद गर्ने योजना बनाएको छ। यी मोटरसाइकलहरू देशभरका बैंकका शाखा कार्यालयहरूको प्रयोजनका लागि खरिद गरिनेछ।

बैंकले मोटरसाइकल आपूर्ति र डेलिभरीका लागि इच्छुक कम्पनी तथा फर्मबाट बोलपत्र पेश गर्न आग्रह गरेको छ। इच्छुक व्यक्ति तथा संस्थाले चैत ११ गतेसम्म बैंकको केन्द्रीय कार्यालय थापाथलीमा बोलपत्र पेश गर्नुपर्नेछ।

बोलपत्र पेश गर्न चाहने कम्पनीको वार्षिक कारोबार ५ करोड रुपैयाँ भएको हुनुपर्नेछ भने कम्तिमा ३ वर्षदेखि मोटरसाइकल बिक्रीको कारोबार गरिरहेको हुनुपर्छ। आवेदन शुल्क १० हजार रुपैयाँ तोकिएको छ।

बैंकले यो कदम मार्फत आफ्नो सवारी साधनको व्यवस्थापनलाई अझ प्रभावकारी बनाउने लक्ष्य राखेको छ।