काठमाडौं, कुलेश्वरस्थित आफ्नो डिपो कार्यालयमा पञ्चकन्या समूहले विश्व प्लम्बर दिवसको अवसरमा एक विशेष कार्यक्रमको आयोजना गरेको छ। यस कार्यक्रमको मुख्य उद्देश्य विश्वभर सेवा प्रदान गरिरहेका प्लम्बरहरूको अमूल्य योगदानलाई सम्मान गर्नु रहेको थियो।

कार्यक्रममा विभिन्न क्षेत्रका प्रतिनिधिहरू, स्थानीय नेतृत्व, तथा प्लम्बिङ समुदायका अग्रणी व्यक्तित्वहरूको उपस्थिति रहेको थियो। जिफन्ट नेपालका प्रतिनिधि, बागमती प्रदेश अध्यक्ष रामहरि नेपाल, नुवाकोट प्लम्बर संघका अध्यक्ष विजय कुमार मगर, भक्तपुर नगर समितिका सदस्य बालकृष्ण खैजु, बालाजु स्कूल अफ इन्जिनियरिङका सेनेटरी विभाग प्रमुख माधव प्रसाद अधिकारी, तथा वरिष्ठ प्राविधिक गोकुल दंगाल लगायतका व्यक्तिहरूले कार्यक्रमलाई गरिमामय बनाएका थिए।

वक्ताहरूले प्लम्बरहरूले समाजमा निर्वाह गर्ने महत्वपूर्ण भूमिकाको प्रशंसा गर्दै, यस पेशाको मान्यता बढाउन आवश्यक रहेको बताए। उनीहरूले प्लम्बिङ क्षेत्रमा सेवा प्रदान गर्ने व्यक्तिहरूको योगदानलाई राष्ट्रिय विकासको लागि अत्यावश्यक बताए।

कार्यक्रमको अवधिमा पञ्चकन्या समूहले यस क्षेत्रमा सेवा प्रदान गरिरहेका डिलर, ग्राहक, तथा प्लम्बरहरूलाई कृतज्ञताको प्रतीकको रूपमा उपहार वितरण गरेको थियो। यसले प्लम्बिङ उद्योगमा लागि रहेका व्यक्तिहरूको मनोबल बढाउन महत्वपूर्ण भूमिका खेलेको छ।

पञ्चकन्या समूहले यस कार्यक्रममार्फत प्लम्बिङ सेवालाई प्रवद्र्धन गर्ने, देशको लागि सुरक्षित र भरपर्दो पूर्वाधार सुनिश्चित गर्न प्लम्बरहरूको भूमिकालाई स्वीकार गर्ने र सम्मान गर्ने आफ्नो प्रतिबद्धता पनि जनाएको छ।

यस कार्यक्रमले प्लम्बरहरूको समर्पण र योगदानलाई मान्यता दिने एक महत्वपूर्ण पहलको रूपमा चिन्हित भएको छ।