काठमाडौं । सामसङ नेपालले पहिलो पटक आफ्नो नयाँ ग्यालेक्सी ए५६ फाईभजी स्मार्टफोनको प्रि–अर्डर घोषणा गरेको छ ।

 

२१ मार्चदेखि २४ मार्च २०२५ सम्म उपभोक्ताहरूले नयाँ ग्यालेक्सी ए५६ फाईभजी प्रि–अर्डर गरी विशेष अफरहरूको लाभ उठाउन सक्नेछन् ।

ग्यालेक्सी ए५६ फाईभजीले पहिलो पटक ‘अद्भुत बुद्धिमत्ता’ सहितको एआई अनुभव ल्याएको छ । वान युआई ७ द्वारा सञ्चालित यस डिभाइसले सहज र शक्तिशाली एआई टुलहरू प्रदान गर्दै खोजी र भिजुअल अनुभवलाई नयाँ उचाइमा पु¥याएको छ । साथै, यसको उच्चस्तरीय क्यामेरा प्रविधि, टिकाउपन र उन्नत सुरक्षा विशेषताहरूले प्रयोगकर्तालाई सुरक्षित, भरपर्दो र रमाइलो मोबाइल अनुभव सुनिश्चित गर्दछ ।

कम्पनीले यो फोनको प्रि–अर्डर गर्दा बिशेष अफरहरू उपलब्ध गराएको छ । यो फोन मात्र दुई हजार रुपैयाँ तिरेर प्रि–अर्डर गर्न सकिनेछ ।

 

अर्डर गर्ने ग्राहकहरूले ७ हजार ९९९ रुपैयाँ मूल्य पर्ने ग्यालेक्सी फिट ३ मात्र ३ हजार ९९९ रुपैयाँ पाउनेछन् । यो फोन १२/२५६ जिबी र ८/२५६ जिबी स्टोरेज गरि दुई भेरियन्टमा उपलब्ध रहेको छ ।

 

यो फोनको मुल्य ७० हजार ९९९ रुपैयाँ र ६५ हजार ९९९ रुपैयाँ तोकिएको कम्पनीले जनाएको छ । साथै, ‘सबकोफोन’ र ‘अकोस्टोर’ एप मार्फत पुरानो फोन साटेर नयाँ ग्यालेक्सी ए५६ फाईभजीमा अपग्रेड गर्ने सुविधा पनि उपलब्ध छ ।

 

यो फोन सामसङ ईन्स्टाफाईनान्स सेवा अन्तर्गत शुन्य प्रतिशत ब्याजदरमा सजिलो ईएमआई योजनामा पनि उपलब्ध छ । कम्पनीका अनुसार यो फोन मार्च २४ बाट बजारमा उपलब्ध हुनेछ ।