काठमाडौं । गरिमा विकास बैंकले वालिङ, बेनी, कोहलपुर र नारायणगढ क्षेत्रमा रहेका शाखाहरूका लागि केही पदमा कर्मचारी माग गरेको छ। बैंकले प्रशिक्षार्थी सहायकदेखि लिएर सहायक तहका विभिन्न पदका लागि आवेदन खुला गरेको हो।

प्रशिक्षार्थी सहायक पदका लागि न्यूनतम १०+२ पास (दोस्रो श्रेणी) गरेको हुनु पर्नेछ।

त्यस्तै सहायक तह (जुनियर असिस्टेन्ट, असिस्टेन्ट, सिनियर असिस्टेन्ट, सुपरभाइजर) का लागि कम्तीमा १०+२ पास (दोस्रो श्रेणी) गरेको र कम्तीमा दुई वर्ष बैंकिङ क्षेत्रमा काम गरेको हुनु पर्नेछ।

स्नातक उत्तीर्ण, स्थानीय बासिन्दा र दुईप्राङ्ग्रे सवारी चालक अनुमति पत्र भएकाहरूले प्राथमिकता पाउनेछन्। योग्य तथा इच्छुक उम्मेदवारले चैत ३१ गतेभित्र आवेदन दिइसक्नु पर्नेछ।