काठमाडौं । यामाहा नेपालले काठमाडौं उपत्यकाका दुई–पांग्रे सवारीसाधन पारखीका लागि आकर्षक एक्सचेन्ज अफर सार्वजनिक गरेको छ। कम्पनीले “यामाहा ब्लु फेस्ट” को सफलतापछि फेरि एकपटक ग्राहकहरूलाई सवारीसाधन साटासाटको सुनौलो अवसर प्रदान गरेको हो।

यो अफर २०८२ सालको बैशाख १४ गतेदेखि १९ गतेसम्म काठमाडौं उपत्यकाभरिका सबै आधिकारिक यामाहा शोरुमहरूमा लागू हुनेछ।

अफरअन्तर्गत जुनसुकै ब्राण्डको पुरानो सवारीसाधनमा न्यूनतम २५ हजार रुपैयाँको भ्यालुएसन प्रदान गरिनेछ, जसका लागि कर चुक्ताको प्रमाणपत्र अनिवार्य गरिएको छ। साथै, पुरानो सवारीसाधनको भ्यालु बढाउन थप १० हजार रुपैयाँसम्म अतिरिक्त भ्यालुएसन सुविधा उपलब्ध गराइएको छ।

ग्राहकहरूले धरौटीबिना नै सजिलो फाइनान्सिङ सुविधा पाउन सक्नेछन् भने यामाहाको मोटरसाइकल तथा स्कुटर किन्न ७.९९ प्रतिशत व्याजदरमा सस्तो किस्ताबन्दी पनि पाइनेछ।

“थ्रील अफ थ्री” अफरअन्तर्गत ग्राहकहरूले १ लाख रुपैयाँसम्मको स्योर शट छुट प्राप्त गर्न सक्नेछन्। साथै, हेल्मेट, लेग गार्ड, फुट म्याट, स्पोर्ट्स ब्याग र बाइक कभरजस्ता निःशुल्क एसेसरिजहरू उपहार स्वरूप प्रदान गरिने कम्पनीले जनाएको छ।