काठमाडौं । सगरमाथा लुम्बिनी इन्स्योरेन्स कम्पनी लिमिटेडको आ.ब. २०८०/०८१ को २८औं वार्षिक साधारण सभा २०८२ साल बैशाख २८ गते आइतबार, अध्यक्ष श्री मनोहर दास मुलको सभापतित्वमा काठमाडौंको रानीमहल बैकेट, ज्ञानेश्वरमा सम्पन्न भएको छ।

सभामा अध्यक्ष श्री मुलले कम्पनीको आर्थिक तथा व्यावसायिक प्रगतिको विस्तृत विवरण प्रस्तुत गर्दै शेयरधनीहरूलाई जानकारी गराउनुभयो। कम्पनीले उक्त आर्थिक वर्षमा कुल रु. ४.७९ अर्ब बीमा शुल्क आर्जन गरेको छ, जुन अघिल्लो वर्षको तुलनामा ४ प्रतिशतले वृद्धि भएको हो। यसैगरी, कम्पनीले ३१ प्रतिशतले खुद मुनाफामा वृद्धि गर्दै उल्लेख्य वित्तीय सफलता हासिल गरेको जनाएको छ।

गत वर्षको तुलनामा यस वर्ष बीमा दाबी भुक्तानी पनि बढ्दै रु. २.८३ अर्ब पुगेको कम्पनीले जानकारी दिएको छ। कम्पनीले आगामी वर्षहरूमा अझ प्रभावकारी सेवा र प्रतिफल दिने लक्ष्य लिएको बताइएको छ।

सभाले आ.व. २०८०/८१ को वित्तीय विवरण पारित गर्नुका साथै, लेखापरीक्षकको नियुक्ति, १५ प्रतिशत नगद लाभांश वितरण, सञ्चालक समितिको बैठक भत्ता वृद्धि र सामाजिक उत्तरदायित्व अन्तर्गत खर्च स्वीकृत गर्ने प्रस्तावहरू पारित गरेको छ।

सभामा १७ जना शेयरधनीहरूले आफ्ना धारणा व्यक्त गरेका थिए।