काठमाडौं। टोयोटाको आधिकारिक बिक्रेता युनाइटेड ट्रेडर्स सिन्डीकेटले आगामी नाइमा नेपाल मोबिलिटी एक्स्पो २०२५ को अवसरमा आकर्षक अफर सार्वजनिक गरेको छ। साउन २१ गतेदेखि २५ गतेसम्म काठमाडौंको भृकुटीमण्डपमा आयोजना हुने उक्त एक्स्पोमा सहभागी ग्राहकहरूका लागि कम्पनीले ‘टोयोटा मेगा अफर’ अन्तर्गत हाइब्रिड इलेक्ट्रिक गाडीहरूमा विशेष छुट, सुविधा र उपहारहरू प्रदान गर्ने भएको छ।

टोयोटाले एक्स्पो अवधिभर आफ्नो लोकप्रिय हाइब्रिड मोडेलहरू – जस्तै कोरोला क्रस, राभ ४, यारिस क्रस लगायतका गाडीहरू प्रदर्शनीमा राख्नेछ, जहाँ ग्राहकले टेस्ट ड्राइभ, एक्सचेन्ज सुविधा, फाइनान्स योजनाहरू, र तुरुन्त डेलिभरीको अवसर पाउनेछन्।

युनाइटेड ट्रेडर्स सिन्डीकेटका अनुसार, वातावरणमैत्री प्रविधिमा आधारित हाइब्रिड गाडीप्रति नेपाली ग्राहकको बढ्दो आकर्षणलाई ध्यानमा राख्दै, यस किसिमको विशेष अफर ल्याइएको हो। अफर अन्तर्गत आकर्षक क्यास डिस्काउन्ट, लक्की ड्र तथा उपहारहरू पनि उपलब्ध हुने कम्पनीले जनाएको छ।

नाइमा नेपाल मोबिलिटी एक्स्पो २०२५ मा सहभागिता जनाई, टोयोटाको हाइब्रिड गाडी अनुभव गर्ने यो सुनौलो अवसर ग्राहकले नछुटाउन कम्पनीले आग्रह गरेको छ।