काठमाडौं । टीभीएस मोटरसाइकलको नेपालका लागि आधिकारिक वितरक जगदम्बा मोटर्सले रोनिनको २०२५ संस्करण लन्च गरेको छ । जारी नाइमा मोबिलिटी एक्सपोमा सो नयाँ मोटरसाइकल लन्च गरिएको हो ।

टीभीएस रोनिन अव आकर्षक मिडनाइट ब्लू कलरमा उपलब्ध हुने जनाइएको छ । जसको मूल्य ४ लाख ५९ हजार ९०० रुपैयाँ निर्धारण गरिएको छ । कम्पनीले नाइमा अफर अन्तर्गत उक्त मोटरसाइकलमा १५ हजार रुपैयाँ नगद छुट दिने बताएको छ ।

टीभीएस रोनिनमा २२५.९ सीसी क्षमताको इन्जिन दिइएको छ । उक्त इन्जिनले २०.४ पीएस पावर र १९.९३ एनएम टर्क जेनेरेट गर्छ । ५ स्पिड गियरवक्स जडान गरिएको यस मोटरसाइकलमा स्लिपर क्लचसमेत उपलब्ध गराइएको छ ।

बाइकमा ब्लुटुथ कनेक्टिभिटीका लागि टीभीएसको स्मार्ट एक्स कनेक्ट, डुअल च्यानल एबिएस, यूएसडी फ्रन्ट फोर्क, एड्जस्ट गर्न मिल्ने लिभर तथा रेन र अर्बान जस्ता डेडिकेटेड राइडिङ मोड पाउन सकिन्छ ।