काठमाडौँ । विश्वव्यापी मोबिलिटी तथा अर्बन सेवा प्रदायक प्लेटफर्म इनड्राइभले यात्रुहरूका लागि आकर्षक अफर “राइड मोर, विन मोर” योजना सार्वजनिक गरेको छ। साउन २७ गतेदेखि भदौ १४ गते (अगस्ट १२ देखि अगस्ट ३०, २०२५) सम्म सञ्चालन हुने यो योजनामा सहभागी भएर प्रयोगकर्ताले १० याडिया E8S Pro इलेक्ट्रिक स्कुटर र ३० अल्टिमा वाच सर्कल स्मार्टवाचमध्ये कुनै एक जित्ने मौका पाउनेछन्।

योजना अन्तर्गत इनड्राइभ एप प्रयोग गरी हरेक ३ वटा राइड पूरा गर्दा १ टिकट प्राप्त हुनेछ, जसमा कुनै सीमा रहने छैन। अर्थात्, जति धेरै राइड, त्यति नै धेरै जित्ने अवसर हुनेछ।

इनड्राइभ नेपालकी कन्ट्री रेप्रिजेन्टेटिभ रीता पोखरेलका अनुसार, “राइड मोर, विन मोर” योजना प्रयोगकर्ताहरूले देखाएको विश्वासको लागि धन्यवाद स्वरूप ल्याइएको विशेष पहल हो। यो अभियानले नयाँ प्रयोगकर्तालाई पनि इनड्राइभको स्वतन्त्रता, निष्पक्षता र पारदर्शिताको अनुभव गर्न आमन्त्रण गर्दछ।

प्रतियोगिता सम्पन्न भएपछि लक्की ड्र मार्फत विजेताको नाम भदौ २० गते (सेप्टेम्बर ५, २०२५) इनड्राइभको आधिकारिक फेसबुक, इन्स्टाग्राम र टिकटक पेजहरू मार्फत सार्वजनिक गरिनेछ।