काठमाण्डौ । राइड सेयररिङ प्लेटफर्म इनड्राइभले यात्रु लक्षित ‘राइड मोर, विन मोर’ योजना ल्याएको छ । विशेष अफरअन्तर्गत प्रयोगकर्ताले इनड्राइभ एप प्रयोग गरी राइड बुक गरे आकर्षक पुरस्कार जित्न सक्ने कम्पनीले जनाएको छ ।

साउन २७ देखि भदौ १४ सम्म सञ्चालन हुने योजनाले यात्रुका लागि उत्साहजनक पुरस्कार जित्ने अवसर रहेको कम्पनीले बताएको छ । अफरमा १० वटा याडिया ई८एस प्रो इलेक्ट्रिक स्कुटर, ३० वटा अल्टिमा वाच सर्कल स्मार्ट वाच यात्रुले प्राप्त गर्न सक्ने कम्पनीको भनाई छ ।

योजना सम्पन्नपछि लक्की ड्रमार्फत योजनामा सहभागीमध्येका विजेताको नाम भदौ २० मा इनड्राइभको आधिकारिक फेसबुक, इन्स्टाग्राम र टिकटक पेजमार्फत सार्वजनिक गरिनेछ ।