काठमाडौं । जापान र कोरियाबाट रेमिट्यान्स पठाउने कम्पनी जेआरएफ रेमिट र नेपालस्थित नियो मनी ट्रान्सफर बीच सेवा सहकार्य सुरु भएको छ। यससँगै जापान र कोरियामा रहेका नेपालीहरूले जेआरएफको अनलाइन सेवा प्रयोग गरी नियो मनी ट्रान्सफरमार्फत रकम सजिलै पठाउन सक्ने भएका छन्।

यस सहकार्यपछि रकम नेपालका जुनसुकै बैंक खातामा वा भुक्तानी सेवा प्रदायकका वालेटमा पठाउन सकिनेछ। साथै, नियो मनी ट्रान्सफरका देशव्यापी एजेन्ट नेटवर्कमार्फत पनि रकम प्राप्त गर्न सकिने व्यवस्था गरिएको छ।

नियो मनी ट्रान्सफरका सीईओ सागर खनालले भने, “जेआरएफ रेमिटसँगको सहकार्यले अझ छिटो र भरपर्दो सेवा प्रदान गर्नेछौँ, जसले औपचारिक माध्यम प्रयोगलाई प्रोत्साहन गर्ने र देशको वित्तीय प्रणालीलाई मजबुत बनाउन मद्दत गर्नेछ।”

नियो मनी ट्रान्सफरले हालै बजारमा आफ्नो उपस्थितीलाई थप सशक्त बनाउँदै लगेको जनाएको छ।