काठमाडौं । काठमाडौं महानगरपालिका–२२, न्युरोडस्थित जोय स्टोर र प्रभु बैंक लिमिटेड बीच बैंकका ग्राहक तथा कर्मचारीलाई विशेष छुट उपलब्ध गराउने सम्झौता भएको छ।

सम्झौता अनुसार प्रभु बैंकका ग्राहक र कर्मचारीहरूले जोय स्टोरमा उपलब्ध वस्तु तथा सेवामा ५% देखि २०% सम्म छुट पाउनेछन्। साथै, छानिएका वस्तुहरूमा किस्ताबन्दी सुविधा पनि उपलब्ध हुनेछ।

सम्झौतापत्रमा जोय स्टोरका कार्यकारी निर्देशक गुरु दत्त शर्मा र प्रभु बैंकका चिफ मार्केटिङ अफिसर रमेश कुमार श्रेष्ठले हस्ताक्षर गरेका हुन्।

प्रभु बैंक हाल नेपालभर ३१२ शाखा, २८६ एटीएम र ६८ एक्सटेन्सन काउन्टरमार्फत करिब ३१ लाखभन्दा बढी ग्राहकलाई सेवा दिइरहेको छ। “बैंक अफ द इयर २०२३” बाट सम्मानित यस बैंकले फिनाकल इन्फोसिस इन्नोभेसन गोल्ड–२०२४ अवार्ड पनि प्राप्त गरिसकेको छ।