काठमाडौं । नाडा अटो शो २०२५ मा बैंकहरुले आफ्ना अटो लोन योजना सार्वजनिक गरेका छन् । आठ वटा बैंकले सहभागिता जनाएका शोमा सवारीसाधन किन्न चाहनेका लागि न्यूनतम ६.२३ प्रतिशतदेखि अधिकतम ८.२५ प्रतिशत ब्याजदरमा कर्जा उपलब्ध हुने भएकाे छ ।

कृषि विकास बैंकले ६.२३ प्रतिशतमै अटो कर्जा दिने भएको छ भने नबिल बैंकले ६.७४ प्रतिशतदेखि ८.२५ प्रतिशत स्थिर ब्याजदरमा कर्जा दिने योजना ल्याएको छ । ग्लोबल आइएमई बैंक र नेपाल एसबीआई बैंकले ६.९९ प्रतिशत ब्याजदरमै कर्जा दिने घोषणा गरेका छन् ।

हिमालयन बैंकले ७.५७ प्रतिशत ब्याजदरमा ८ वर्षका लागि ऋण दिने भनेको छ । एनएमबी बैंकले विद्युतीय सवारीका लागि ७.१३ प्रतिशत र अन्यका लागि ८.८९ प्रतिशत ब्याजदर तोकेको छ ।

सानिमा बैंकले ईभीका लागि ७.४९ प्रतिशत स्थिर ब्याजदरमा कर्जा दिनेछ भने अन्य सवारीसाधनका लागि ७.९९ देखि ८.१५ प्रतिशत ब्याजदर लागू गर्नेछ । लक्ष्मी सनराइज बैंकले भने ७ वर्षका लागि ७.९९ प्रतिशत ब्याजदरमा अटो लोन योजना ल्याएको छ, जुन अफर १४ मंसिरसम्म लागू हुने जनाइएको छ ।

यसरी विभिन्न बैंकले ल्याएका आकर्षक ब्याजदर योजनाले गाडी किन्ने ग्राहकलाई सजिलो हुने देखिन्छ भने अटो बजार पनि थप चलायमान हुने अपेक्षा गरिएको छ ।