काठमाडौं । कामना सेवा विकास बैंक लिमिटेडले आर्थिक वर्ष २०८१/८२ को संचित मुनाफाबाट आफ्ना शेयरधनीलाई चुक्ता पुँजीको १५.७८९५ प्रतिशत लाभांश वितरण गर्ने घोषणा गरेको छ।

बैंकले १० प्रतिशत बोनस शेयर र ५.७८९५ प्रतिशत नगद लाभांश (कर सहित) प्रस्ताव गरेको हो। प्रस्तावित लाभांश नेपाल राष्ट्र बैंकको स्वीकृति र बैंकको आउँदो १९ औं वार्षिक साधारण सभाबाट पारित भएपछि शेयरधनीले पाउनेछन्।

यससँगै चालु वर्ष लाभांश घोषणा गर्ने पहिलो विकास बैंक समेत कामना सेवा विकास बैंक बनेको छ। गत वर्ष बैंकले १२ प्रतिशत लाभांश वितरण गरेको थियो।

बैंकको सञ्चालक समितिको बैठक आइतबार दिउँसो ४ बजे केन्द्रीय कार्यालयमा बसेर लाभांश प्रस्ताव पारित गरेको हो। बैठकपछि बैंकका प्रमुख कार्यकारी अधिकृत दिनेश थकालीले जानकारी दिनुभयो।