काठमाडौं । मर्चेन्ट बैंकिङ्ग एसोशिएसन नेपाल (MBAN) को १६औं वार्षिक साधारण सभा २०८२ असोज २ गते काठमाडौंमा सम्पन्न भएको छ । प्रारम्भमा पोखरामा आयोजना गर्ने तयारी भएपनि देशको पछिल्लो परिस्थितिलाई मध्यनजर गर्दै सबै सदस्यहरूको सुरक्षा र सहज सहभागिता सुनिश्चित गर्न सभा काठमाडौंमा स्थानान्तरण गरिएको थियो ।

काठमाडौंस्थित ब्याट होटलमा सम्पन्न सभामा सम्पूर्ण मर्चेन्ट बैंकिङ्ग संस्थाका प्रतिनिधि तथा सदस्यहरूको उपस्थिति थियो । सभाले आर्थिक वर्ष २०८१/८२ को गतिविधि र उपलब्धिहरूको समीक्षा गर्दै २०८२/८३ को वार्षिक कार्यक्रम र बजेट अनुमोदन गरेको छ ।

सभामा नेपालको मर्चेन्ट बैंकिङ्ग व्यवसायसँग सम्बन्धित वर्तमान चुनौती, मुद्दा र भविष्यका रणनीतिक योजनाबारे व्यापक छलफल भएको थियो । साथै, एसोशिएसनको नामसहितका आवश्यक संशोधन पारित गरिनुका साथै पुँजी बजारमा मर्चेन्ट बैंकहरूको भूमिका सुदृढ गर्ने विषयमा नीतिगत छलफलसमेत गरिएको छ ।

एसोशिएसनले व्यवसायमा व्यावसायिकता र दिगो वृद्धिलाई प्रवद्र्धन गर्ने प्रतिबद्धता पुनः दोहोर्‍याएको छ ।