झापा, दमक । कामना सेवा विकास बैंक र नमस्ते पब्लिक हस्पिटलबीच सेवा शुल्कमा छुट सम्बन्धी सम्झौता सम्पन्न भएको छ । सम्झौता अनुसार बैंकका कर्मचारी तथा ग्राहकहरूले अस्पतालले उपलब्ध गराउने विभिन्न स्वास्थ्य सेवामा अधिकतम २० प्रतिशतसम्म छुट पाउनेछन् ।

नमस्ते पब्लिक हस्पिटलले सर्वसाधारणसम्म स्वास्थ्य सेवा पुर्‍याउने उद्देश्यका साथ सञ्चालन हुँदै आएको छ । यस अन्तर्गत कामना सेवा विकास बैंकसँग आबद्ध कर्मचारी तथा ग्राहकहरूले आफ्नो बैंकसँगको सम्बन्ध प्रमाणित गर्ने कागजातको आधारमा सहज रूपमा यो सुविधा उपभोग गर्न सक्ने व्यवस्था गरिएको छ ।

सम्झौतामा कामना सेवा विकास बैंकको तर्फबाट कोशी प्रदेश प्रमुख खिमलाल भुसाल र नमस्ते पब्लिक हस्पिटलका तर्फबाट अध्यक्ष कुबेर भट्टराईले हस्ताक्षर गर्नुभएको हो । बैंकले यस सम्झौताबाट कर्मचारी तथा ग्राहकहरूले विशेष लाभ लिन सक्ने विश्वास व्यक्त गरेको छ ।