काठमाडौं । नेपालमा इलेक्ट्रिक स्कूटर बजारमा अग्रणी कम्पनी एथर एनर्जी नेपाल ले यस वर्षको चाडपर्वलाई विशेष बनाउन नयाँ अफरहरूको घोषणा गरेको छ।

“स्मार्ट यात्रा, इलेक्ट्रिक यात्रा” भन्ने नारासहित ल्याइएको यस अफरअन्तर्गत, ग्राहकहरूले एथर 450 सिरिज वा नयाँ एथर रिज्टा स्कूटर खरिद वा बुकिङ गर्दा विभिन्न आकर्षक लाभहरू पाउने भएका छन्।

कम्पनीका अनुसार, अफरअन्तर्गत निःशुल्क Eight70 ब्याट्री वारेन्टी, ०% ब्याजदरमा किस्ता सुविधा, न्यूनतम रु. ३०,००० को एक्सचेन्ज मूल्याङ्कन, र रु. ८,००० मूल्य बराबरको अतिरिक्त सुविधा प्रदान गरिनेछ।
कम्पनीले यस अफरमा सर्तहरू लागू हुने जनाएको छ।

एथर एनर्जी नेपालका अनुसार, यो अफरले ग्राहकहरूलाई केवल छुट मात्र नभई, दीर्घकालीन लाभ र सफा यात्राको नयाँ अनुभव दिनेछ। कम्पनीले यो अभियानलाई सस्टेनेबल मोबिलिटी (Sustainable Mobility) तर्फको सचेत कदमका रूपमा पनि व्याख्या गरेको छ।