काठमाडौं । सिटी होटल लिमिटेडले आफ्ना सेयरधनीका लागि निष्कासन गरेको हकप्रद सेयरको बाँडफाँड कार्य कात्तिक ११ गते सम्पन्न गरेको छ।

कम्पनीले १:०.८० अनुपातमा प्रतिकित्ता रु. १०० अंकित मूल्यका दरले कुल १ करोड ३३ लाख ९२ हजार कित्ता हकप्रद सेयर जारी गरेको थियो। साउन २६ गतेसम्म कायम रहेका सेयरधनीहरूले भदौ २३ गतेदेखि असोज २६ गतेसम्म आवेदन दिन पाएका थिए।

कम्पनीले प्राप्त आवेदनको आधारमा बाँडफाँड कार्य सम्पन्न गरेको जनाएको छ। तर जारी गरिएको कुल हकप्रदमध्ये करिब २१ लाख कित्ता सेयर बाँकी रहेकाले ती सेयरहरू अब लिलामीमार्फत बिक्री गरिने भएको छ।

सिटी होटलले हाल नेपाल स्टक एक्सचेञ्ज (नेप्से) मा सूचीबद्ध भई कारोबार भइरहेको होटेल क्षेत्रअन्तर्गतको कम्पनी हो। हकप्रद सेयर निष्कासनपछि कम्पनीको चुक्तापूँजीमा पनि वृद्धि हुने अपेक्षा गरिएको छ।