काठमाडौं। सिटिजन्स बैंक इन्टरनेसनल लिमिटेड र थापाथलीस्थित एकता बुक्स बीच सिटिजन्स बैंकका ग्राहकहरूलाई विशेष छुट प्रदान गर्ने समझदारी पत्रमा हस्ताक्षर गरिएको छ।

उक्त समझदारी अनुसार, सिटिजन्स बैंकका कार्डबाहक तथा मोबाइल बैंकिङ ग्राहकहरू ले एकता बुक्सका थापाथली, मानभवन, पोखरा र इटहरी शाखाबाट पुस्तक खरिद गर्दा १५ प्रतिशतसम्मको आकर्षक छुट पाउनेछन्।

यस सहकार्यले ग्राहकहरूलाई डिजिटल माध्यमबाट कारोबार गर्न उत्प्रेरित गर्ने र नगद कारोबार घटाउने बैंकको विश्वास छ। सिटिजन्स बैंकले ग्राहकहरूलाई डिजिटल बैंकिङ्गको प्रयोगमा अभ्यस्त बनाउन समय–समयमा ग्राहकमैत्री अफर र सुविधा सञ्चालन गर्दै आएको छ। छुट र अफरसम्बन्धी विस्तृत विवरण बैंकको आधिकारिक वेबसाइटमा उपलब्ध छ।

हालै “बैंक अफ द इयर २०२४” को उपाधि प्राप्त गर्न सफल सिटिजन्स बैंकले यसअघि नेपालमै पहिलो पटक “सिटिजन्स फोनपे क्रेडिट कार्ड” (भर्चुअल क्रेडिट कार्ड) सञ्चालनमा ल्याएको थियो। साथै, फ्रिलान्सर सेविङ्ज अकाउन्ट, मोबाइल बैंकिङ एपमार्फत शेयर आवेदन तथा ऋण खाता नम्बर सेवा, र क्रस बैंक टेलर सुविधा जस्ता नवीनतम सेवाहरू पनि सुरु गरेको छ।

सिटिजन्स बैंकले हाल देशभरका ६१ जिल्लामा फैलिएका २०० शाखा, १६९ एटीएम, ३ विस्तारित काउन्टर र ७४ शाखा–रहित बैंकिङ इकाइहरू मार्फत १९ लाख ४८ हजारभन्दा बढी ग्राहकहरूलाई आधुनिक बैंकिङ सेवा प्रदान गरिरहेको छ।