काठमाडौं, नेपाल – नोभेम्बर १२- टिकटकले परिवारहरूलाई आफ्ना किशोर-किशोरीहरूले यो एप सुरक्षित र जिम्मेवारीपूर्वक प्रयोग गरिरहेका छन् कि छैनन् भन्ने सुनिश्चित गर्न सहयोग गर्ने टुलहरूको सेट नै सार्वजनिक गरेको छ। ‘फ्यामिली पेयारिंग फिचर’ सुरू गरेपछि, टिकटकले परिवारको सुरक्षा र गोपनीयतामा केन्द्रित थप फिचरहरू उपलब्ध गराएको छ।

फ्यामिली पेयारिंग मार्फत अभिभावकले आफ्ना किशोर-किशोरीका लागि स्क्रीन-टाइम म्यानेजमेन्ट टुल्स प्रयोग गरी टाइम लिमिट सेट गर्न सक्छन्। उनीहरूले दैनिक स्क्रीन-टाइम लिमिट राख्न रशेड्युल ब्रेक राख्न सक्छन्।साथै डाइरेक्ट मेसेजिङ, भिडियोमा कमेन्ट, एकाउन्ट खोज्न मिल्ने वा नमिल्ने र कसले भिडियो डाउनलोड गर्न पाउने जस्ता सेटिङहरू नियन्त्रण गर्न सक्छन्। सजिलो सेटअपदेखि डिजिटल सुरक्षासम्म, प्रयोगकर्ता र समुदायको सुरक्षा सुनिश्चित गर्न टिकटक प्रतिबद्ध छ।

१६ वर्ष वा सोभन्दा कम उमेरका प्रयोगकर्ताको एकाउन्टमा डाइरेक्ट मेसेजिंग स्वत: बन्द हुन्छ, अनि राति पुश नोटिफिकेसन पनि म्यूट हुन्छ। टिकटकले उमेरअनुसार उपयुक्त हुने कन्टेन्ट मात्र देखाउने फीडको व्यवस्था गर्छ। १८ वर्षभन्दा कम उमेरका प्रयोगकर्ताका लागि६० मिनेटको स्क्रीन-टाइम लिमिटपनि डिफल्ट रूपमा सेट हुन्छ। यस प्रणालीले किशोरहरूका लागि अनुपयुक्त मानिएका कन्टेन्टहरू छानेर हटाउँछर प्रयोगकर्ताहरू सही उमेर समूहमा छन् कि छैनन् भन्ने सुनिश्चित गर्न प्रविधिको प्रयोग गर्छ।

अब, अभिभावकहरूले आफ्ना बच्चाको प्राइभेसी सेटिङ हेर्न सक्छन् र बच्चाले पब्लिक भिडियो पोस्ट गरेमा नोटिफिकेसन पनि पाउँछन्। यी टुलहरूले अनलाइन व्यवहार, स्वस्थ स्क्रीन-टाइमर उनीहरूले हेरेको कन्टेन्टको उपयुक्तताबारे परिवारबीच संवाद बढाउन मद्दत गर्छ। टिकटकले स्पष्ट रूपमा बताएको छ कि यी टुलहरू केवल प्यारेन्टल कन्ट्रोलका लागि होइनन्, बरू किशोर-किशोरीले अनुशासित र जिम्मेवार डिजिटल बानीको विकास गर्न परिवारसँग संवाद सुरु गर्ने माध्यम हुन्।

प्रयोगकर्ताको वेल-बीइंगलाई निरन्तर समर्थन गर्ने प्रतिबद्धताअन्तर्गत टिकटकले यस वर्षको सुरुवातमा गाइडेड मेडिटेसन नामक नयाँ इन-ऐप सुविधा सार्वजनिक गर्‍यो, जसको उद्देश्य सबै उमेरका मानिसहरूलाई माइन्डफुलनेस अभ्यासहरू सजिलै उपलब्ध गराउनु हो। यो सुविधा हाल कायम रहेको ‘स्लिप आवर्स’ सेटिङसँग जोडिएको छ, र रातिको समयमा प्रयोगकर्तालाई शान्त र मार्गदर्शित अभ्यासमार्फत विश्राम गर्न प्रोत्साहित गर्छ, जसले राम्रो निद्रा र भावनात्मक सन्तुलन कायम राख्न सहयोग गर्छ। स्वस्थ स्क्रिन-टाइम बानीको विकास गर्न १८ वर्षभन्दा कम उमेरका प्रयोगकर्तामा यो सुविधा स्वतः सक्रिय हुन्छ, र राति १० बजेपछि फर यू फीडको ठाउँमा मेडिटेसनको सुझाव देखिन्छ। वयस्कहरूले यो विकल्प स्क्रिन टाइम सेटिङमार्फत आफैं सक्रिय गर्न सक्छन्।

यी टुलहरू मार्फत, टिकटकले किशोर र वयस्क दुबैलाई व्यक्तिगत दिनचर्या बनाउन सहयोग गर्ने लक्ष्य राखेको छ, जसले मनोरञ्जनलाई अधिकतम बनाउँछ र लामो समय स्क्रीन प्रयोगका कारण हुन सक्ने नकारात्मक असरलाई कम गर्दछ।

टिकटकका यी नयाँ सुधारहरू पहिले नै रहेको सुरक्षा संरचनामा थपिएको हो, जसमा किशोरहरूको सुरक्षाका लागि५० भन्दा बढी सुरक्षा उपायहरूछन्।जस्तै, उमेरअनुसारको कन्टेन्ट फिल्टर, स्क्रीन-टाइम लिमिट र सीमित मेसेजिङ सुविधा। टिकटकले डिजिटल सेफ्टी पार्टनरशिप फर फ्यामिलीजमार्फत परिवारलाई घरमा डिजिटल बानी सम्बन्धी मार्गदर्शन र स्रोत उपलब्ध गराइरहेको छ। फ्यामिली पेयरिंग जस्ता भरोसा र र उमेरअनुसार सुरक्षा नियन्त्रणको सुविधा मार्फत टिकटकले परिवारलाई सुरक्षित वातावरणमा नयाँ पुस्तालाई अन्वेषण, सिर्जना तथा अर्थपूर्ण रूपमा जोडिन सहयोग गरिरहेको छ।

टिकटकको बारेमा
टिकटक छोटो मोबाइल भिडियोको अग्रणी विश्वव्यापी गन्तव्य हो। हाम्रो उद्देश्य सृजनशीलतालाई प्रेरित गर्नु र खुशी बाँड्नु हो।
टिकटकका ग्लोबल मुख्यालय लस एन्जेलस र सिंगापुरमा छन्, र यसका न्युयोर्क, लन्डन, डब्लिन, पेरिस, बर्लिन, दुबई, जाकार्ता, सिओल र टोकियोमा कार्यालयहरू रहेका छन्।