काठमाडौं । सानिमा बैंक लिमिटेडले २०८२ मंसिर २१ गते आफ्नो स्थापनाको २१औं वर्ष पूरा गरेको अवसरमा विशेष कार्यक्रम आयोजना गरी स्थापना दिवस मनाएको छ। दुई दशकभन्दा बढी समयदेखि निरन्तर, सुरक्षित, प्रविधिमैत्री र विश्वासिलो सेवा प्रदान गर्दै आएको बैंकले ग्राहकहरूको भरोसायुक्त साथलाई आफ्नो प्रमुख सफलता मान्दै आएको छ।

स्थापना दिवसका अवसरमा आयोजित कार्यक्रमका प्रमुख अतिथि तथा बैंकका नायब प्रमुख कार्यकारी अधिकृत पवन कुमार आचार्यले बैंकको प्रगतिमा ग्राहकको विश्वास, कर्मचारीको समर्पण र सरोकारवालाको निरन्तर सहयोग मुख्य आधार रहेको उल्लेख गर्दै सबैलाई बधाई तथा धन्यवाद व्यक्त गरे।

आचार्यका अनुसार सानिमा बैंकले आगामी दिनमा पनि सहकार्य, सेवा सुधार, डिजिटल प्रविधिको प्रयोग र सामूहिक प्रयासलाई केन्द्रमा राख्दै अझ सक्षम, प्रभावकारी र प्रतिस्पर्धी संस्थाका रूपमा अघि बढ्ने छ। उनले सबै कर्मचारीलाई बैंकको दीर्घकालीन लक्ष्य प्राप्तिमा निरन्तर सक्रिय र उत्तरदायी बन्न प्रेरित गर्दै आफ्नो प्रतिवद्धता व्यक्त गरे।

स्थापनाकालदेखि नै स्थायित्व, आधुनिक सेवा, नवप्रवर्तन तथा ग्राहक–मैत्री नीतिलाई प्राथमिकतामा राख्दै आएको सानिमा बैंक अहिले देशभर सेवा विस्तार गर्दै अग्रणी बैंकिङ संस्थाको रूपमा पहिचान बनाउँदै आएको छ।